حالىق ءوڭىن اينالدىرعان يسلامدى ەندى تۇسىنە باستادى - ءوز بالالارى وزىنەن جەرىپ، وگەيلەنە باستاعان سوڭ، سانامىزعا سىيمايتىن ءدىني عۇرىپتارمەن ءجۇرىپ-تۇرا باستاعان سوڭ، كاسىپتى حالال-حارام دەپ ءبولىپ، سوڭى سۇيىق، بولاشاعى بۇلىڭعىر تىرلىككە اۋا باستاعان سوڭ - «وۋ، بۇل نە بوپ بارادى؟» دەپ ويعا كەتە باستادى...

كەشە عانا "اسىل ءدىنىمىز" دەپ وتىرعان ەلەۋسىز جاننىڭ ءوزى وسىنى بايقاپ، ءداستۇرى مەن سالتىن شايقاپ جاتقان دىنىنە كۇمانمەن قاراي باستادى....

بىرەۋلەر ايتادى: -بۇل تاڭىرشىلەردىڭ پايدا بولۋىمەن دەپ...

ارينە، بۇل - "سىنىققا - سىلتاۋ" عانا.
ماسەلەن، ەشبىر ءتاڭىرشىل مەشىتكە بارىپ، " ولاي دا بۇلاي بولسىن" دەپ، "دىنبۇزارلىق" ۋاعىز ايتىپ جاتقان جوق.
مەشىتتە ايتسا، ساۋاتى كۇماندى، ۇلتتىق مادەنيەتى تومەن مولدالار، ولارمەن جاعالاسا ء"اۋ دەپ قالايىن" دەگەن شولاق ويلى جاندار جارىسا ۋاعىز ايتىپ، اراب دەگەن حالىقتىڭ "كەرەمەتتىلىگىن" ايتىپ تامسانۋدا...

...ءبىزدىڭ بيلىك وسىعان كوزىن جۇما قاراپ وتىر...

حالىقتىڭ سەنىمىن سىيلاعاننان با؟
ولاي بولسا، سيرياداعى سوعىسقا جەتكىزگەن، ولاردى قۇتقارۋ ءۇشىن ارنايى وپەراتسيا قابىلداتقىزعان دىنگە توسقاۋىل قويار ەدى عوي؟

بيلىكتىڭ وپپوزيتسيالىق ويدى جورگەگىندە تۇنشىقتىرۋ قابىلەتى مول.

ەندەشە، "زياندى ءدىندى" شەكتەۋ دە وعان تۇككە تۇرمايتىن نارسە دەسە بولادى...
الايدا، وسىعان كەلگەندە بيلىك شاراسىز كەيىپ تانىتا قالادى؟
نەگە؟

مەنىڭ ويىم بىلاي:
قازىرگى ء"دىن" دەپ وتىرعان ءدىنىمىز ۇلتتىق مادەنيەتكە قارسى كەلۋ ارقىلى، حالىقتىڭ نارازىلىعىنىڭ كوپ بولىگىن وزىنە اۋدارۋدى موينىنا سانالى تۇردە جۇكتەگەن بە دەرسىڭ...

ونىڭ استارىندا حالىقتى "كۇشتى مەملەكەت قۇرۋ" سەكىلدى ستراتەگيالىق تالابىنان باسقاعا قاراي بۇرۋ جاتىر ما دەيمىن.

ويتكەنى، "مەملەكەتشىلدىك تالاپ" ارۋاقىتتا بيلىكتەگى قاتەلىكتەردى اشىق ايتۋعا، ادىلەتتىلىك پەن اشىقتىقتى قامتاماسىز ەتۋگە، كوررۋپتسيانى جويۋعا جانە ت.ب. دەموكراتيالىق قادامدار جاساۋعا شاقىرادى. ول بيلىكتى دەموكراتيالىق باعىتتاعى وڭ وزگەرىستەر جاساۋعا ماجبۇرلەر ەدى.
وعان بيلىك دايىن ەمەس.

ەندەشە، بۇدان ونىڭ قانشالىقتى كومپونەنتتى ەكەنى بەلگىلى بوپ قالادى...

...وسى جاعدايدا دەسترۋكتيۆتى ءدىن وعان قاتتى كومەكتەسەدى - حالىق دىنمەن ارپالىسىپ جاتادى.

ال بيلىگى "مويا حاتا س كرايۋ. ءدىن مەملەكەتتەن بولەك" دەپ وتىرا بەرەدى...
وتە ىڭعايلى تاكتيكا!
كەلىسەسىزدەر مە؟

فوتو: اشىق دەرەككوزدەن

ءابدىراشيت باكىرۇلى

Abai.kz