باتىس پەن رەسەي اراسىندا «ءتىزىم سوعىسى» باستالعالى قاشان. اقش قۇقايى وتكەن پۋتيندىك بيلىك ءدال قازىر «جاۋ ەلدەردىڭ» ەكى بىردەي ءتىزىمىن جاساپ وتىر.

ەندى ماسكەۋ تىم قاتتى كەتىپ، ءوزىنىڭ وسىنداي ءبىرىنشى قارا ءتىزىمىنىڭ ەنگەندەردىڭ قاراسىن كوبەيتىپ، وعان گرەكيا، دانيا، سلوۆەنيا، حورۆاتيا جانە سلوۆاكيانى قوستى. بۇعان دەيىن بۇل تىزىمدە تەك اقش پەن چەحيا عانا بارتىن.

ال، بۇدان وزگە ەكىنشى ءبىر كرەملدىك «قارا تىزىمگە جيىنى 48 مەملەكەت ەنگىزىلگەن. سونداعى ۋاجدەرى شەتەلدەردەگى ورىس ەلشىلىكتەرى مەن كونسۋلدىقتارىنا قارسى «جاۋلىق ارەكەتتەر» جاسايتىنداردى تۇستەپ تانۋ ورىس پرەمەرى ميحايل ءميشۋستيننىڭ قۇزىرىنا بەرىلگەن.

بۇل بالەڭ ۋكرايناداعى سوعىسقا دەيىن، ياعني، 2021 جىلدىڭ 23 ساۋىرىندە تاپ وسىنداي «قارا ءتىزىمدى» جاساپ، رەسەي پايداسىنا بارلاۋ جاساعان توپتاردان شىققان ديپلوماتيالىق شۋلاردى رەسەي پرەزيدەنتىنىڭ جارىلىعىمەن بەكىتىپ العان-تىن. جارلىق بەكىگەن سوڭ، وعان رەسەيگە جاۋ ەلدەر كىرىۋگە ءتيىس قوي؟ كوپ كەشىكپەي بۇل تىزىمگە العاشقىلاردىڭ ءبىرى بولىپ، 2021 جىلدىڭ 14 مامىرىندا اقش پەن چەحيا ەندى. ودان كەيىن ءبىرىنشى ءتىزىم وسىلايشا تۇراقتاندى.

پۋتيندىك جارلىق بويىنشا ولار ءوز ەلشىلىكتەرى مەن كونسۋلدىقتارىنا رەسەي جەرىندەگى تۇرعىلىقتى جۇرتتى قىزمەتكە الا المايدى. نە بولماسا وعان شەكتەۋ قويىلادى. بۇرىن گرەكيا – 34, دانيا – 20, سلوۆاكيا – 16 ادامعا دەيىن ليميت بەرىلسە، سلوۆەنيا مەن حورۆاتيا ەشكىمدى جۇمىسقا الا المايدى دەلىنگەن اتالعان قۇجاتتا.

ەكىنشى ءتىزىم وتكەن جىلدىڭ 5 ناۋرىزىندا، ياعني، رەسەي ۋكرايناعا سوعىس اشقاننان كەيىن جاسالدى. ونى رەسەي بيلىگى بەكىتىپ، وعان ەو-عا مۇشە بارشا مەملەكەتتەر، اۆستراليا، البانيا، اندوررا، بريتانيا، يسلانديا، كانادا، ليحتەنشتەين، ميكرونەزيا، موناكو، جاڭا زەلانديا، نورۆەگيا، كورەيا رەسپۋبليكاسى، سان-مارينو، سولتۇستىك ماكەدونيا، سينگاپۋر، اقش، تايپەي (قىتاي), ۋكراينا، چەرنوگوريا، شۆەيتساريا جانە جاپونيا سىندى 48 ەلدى ەنگىزدى.

پۋتين «جاۋ ەلدەرگە» گازدى تەك رۋبلگە عانا ساتامىز دەپ شەشتى. ءارى وسى «جاۋ ەلدەرگە» رەسەيلىك بورىشكەرلەر ءوز قارىزىن رۋبلبەن وتەيتىنى اشىق ايتىلدى.

رەسەي  وزگە ەلگە باسا كوكتەپ ەنگەنى ءۇشىن سانكتسيا سالعانى قاتتى شامداندىردى. ءوز ەكونوميكاسىن تيتىقتاتىن «قارا ءتىزىم» نەگە كەرەك دەگەن ساۋال جۇرتتى بەي-جاي قالدىرمايتىنى انىق.

Abai.kz