اقتاۋدا قازاقستان مەن وزبەكستاننىڭ قورعانىس مينيسترلەرى رۋسلان جاقسىلىقوۆ پەن باحودير قۇربانوۆتار اراسىندا ماڭىزدى كەزدەسۋ بولدى. وسى كەزدەسۋ بارىسىندا ەكى ەلدىڭ قورعانىس سالاسىنداعى ارىپتەستىككە قاتىستى وزەكتى ماسەلەلەرى كوتەرىلدى.

قوس مينيستر اقتاۋ گارنيزونى اۋماعىندا وتەتىن «قانجار-2023» اسكەري جاتتىعۋىنا باسا كوڭىل ءبولدى. بۇل جاتتىعۋ بارىسىندا باۋىرلاس قوس ەل شارتتى دۇشپانمەن بىرلەسە كۇرەسۋدىڭ تاكتيكاسىن جۇزەگە اسىرىپ، ءوزارا تاجىريبە الماسادى.

بۇل اسكەري جاتتىعۋدان بولەك اسكەري ءبىلىم بەرۋ مەن مامان دايىنداۋدا ءىس-تاجىريبە ءبولىسۋ كەڭىنەن ءسوز بولدى. اتالعان ەكى ەل اراسىنداعى اسكەري كەزدەسۋ قازاق پەن وزبەك جاعىنىڭ وا-دا قاۋىپسىزدىكتى قامتاماسىز ەتۋگە مۇددەلى ەكەندىگىن تانىتتى.

وسى رەتتە ايتا كەتەر ءسوز: كاسپي تەڭىزىنىڭ باسىم بولىگىنە يە قازاقستان وسى سۋ جولىن ەكونوميكالىق جاقتان ءتيىمدى پايدالانۋدى باستى ەكونوميكالىق ۇستانىم ەتىپ كەلە جاتقانى جاسىرىن ەمەس. تەڭىز جولىن ورىندى پايدالانۋعا قاشاندا رەسەيلىك تاراپىنان كەدەرگىلەر كەلتىرگەنىن كوزى اشىق جۇرت جاقسى بىلەدى.

انكارانىڭ «Yeni Şafak» گازەتى تۇرىك اعايىندار قازاق جەرىندە ۆەرف سالۋعا قالتالارىنان اقشا شىعارعانىن جازدى. ەكى بىردەي تۇرىك كومپانياسى قازاق جاعى ۇسىنعان «كاسپي» جوباسىنا قاتىسىپ، پورتتىڭ قىزمەت كورسەتۋ اياسىن كەڭەيتۋ ءۇشىن ءارى اسكەري، ءارى كوممەرتسيالىق ماڭىزى بار ۆەرف قۇرىلىسىن سالۋعا كىرىسەدى.

وسى قولعا الىنعان قۇرىلىس جوباسى بيىلعى جىلدىڭ سوڭىندا باستالىپ، ءساتىن سالسا، 2024 جىلدىڭ باسىندا اياقتالادى دەپ جوسپارلانىپ وتىر.

Abai.kz