قازاقتىڭ ماڭدايىنا جازعان جالعىز تەڭىزى بۇل – كاسپي! بۇل جولدا الەمگە جاقپاي قالعان يران مەن رەسەي جانە كۇلشەلى بالاعا اينالعان ازەربايجان بار. ەۋرو وداققا ءوزىنىڭ سىرتقا شاعاراتىن 70% مۇنايىن ساتادى. بۇل ەۋروپا ەلدەرى تۇتىناتىن مۇنايدىڭ 6%-ى بولىپ تابىلادى. ەلىمىز وپەك-كە كىرمەيتىن ەلدەردىڭ ىشىندە 3 ورىندى يەلەنەدى.

بۇرىن قازاق ەكونوميستەرى رەسەيسىز بالامالى جول كەرەكتىگىن تالاي قاقسادى. پايداسى مەن زيانىن العا تارتتى. ناتيجەسىندە سول كەزدەگى بيلىكتىڭ تاڭداۋى ەاەو-عا ءتۇسىپ، ەكى بالامالى جول: ءبىرى – يران، ەكىنشىسى – ازەربايجان باعىتتى ۇسىنىلعان ەدى. ءبىرىنشى باعىتتى اقش پەن باتىس، ەكىنشىسىن رەسەي قۇپتامادى. ناتيجەسىندە ورىس-ۋكراين سوعىسى سالدارىنان قازاقتار رەسەي قۇپتاماعان باعىتتى تاڭداۋعا ءماجبۇر بولدى. ويتكەنى رەسەي ءبىزدى «ترانزيتتىك قاقپانعا» ءتۇسىردى.

سونىڭ ناتيجەسىندە رەسەي باعىتتى الماستىراتىن «ارالىق ءدالىز» جوباسى قولعا الىنىپ، وسى باعىتتا العاشقى قادامدار جاسالا باستادى. ءبىز ەندى ورىستىڭ ەمەس، قانشا جەردەن باۋىرلاس دەسەك تە ازەربايجانداردىڭ اۋىزىنا قارامايمىز.

ماسەلە بولاشاقتا نە وڭعا، نەگە سولعا شەشىلسە دە، ەڭ دۇرىسى مۇنايدى وزىمىزدە جارتىلاي شيكىزات كۇيىندە وڭدەپ ودان كەيىن سىرتقا شىعارۋ ءۇشىن ەلمىزدە ونى ءوندىرىپ جاتقان ينۆەستورلارمەن ايتەۋىر ۇلتىمىزعا ءتيىمدى كەلىسىمگە كەلۋ عانا ءبىزدى بۇل تىعىرىقتان شىعارا الادى دەگەن سەنىممەن كۇن كەشۋگە ءتيىسپىز.

Abai.kz