بۇدان بولەك اليەۆ 19 قىركۇيەكتەگى اسكەري وپەراتسيادان كەيىن باكۋدىڭ باقىلاۋىنا وتكەن ايماقتاعى حوجالى، اگدەر سەكىلدى بىرقاتار ەلدىمەكەنگە دە بارىپ، ءازىربايجاننىڭ تۋىن كوتەردى.
تاۋلى قاراباق ءۇشىن ارمەنيا مەن ءازىربايجان 1980 جىلدىڭ سوڭىنان بەرى جانجالداسىپ كەلگەن. نەگىزىنەن ەتنوستىق ارمياندار تۇرىپ كەلگەن تاۋلى قاراباق اۆتونوم وبلىسى ەرەۆاننىڭ قولداۋىمەن ءازىربايجاننىڭ قۇرامىنان شىعىپ، 1991 جىلى ءوز الدىنا "تاۋلى قاراباق رەسپۋبليكاسى" دەگەن ەشبىر مەملەكەت مويىنداماعان "ەل" قۇرىپ العان.
سودان بەرى بۇل جەردە ءجيى جانجال ورىن الىپ كەلدى.
بيىل 19 قىركۇيەكتە ءازىربايجان ايماقتا "انتيتەررورلىق وپەراتسيا" باستاعانىن جاريالاپ، ونىڭ ناتيجەسىندە تاۋلى قاراباقتىڭ ليدەرلەرى باكۋدىڭ تالاپتارىنا كەلىسىپ، باعىنعان.
سودان بەرى تاۋلى قاراباقتا تۇرىپ كەلگەن 120 مىڭداي ەتنوس ارمياننىڭ ءجۇز مىڭنان استامى ارمەنيا جەرىنە قونىس اۋداردى.
"تاۋلى قاراباق رەسپۋبليكاسىنىڭ" ليدەرى سامۆەل شاحرامانيان 2024 جىلدىڭ 1 قاڭتارىنان باستاپ ەشبىر مەملەكەت تانىماعان "ەلدى" جويۋ جانە ونداعى مەكەمەلەردى تارقاتۋ تۋرالى بۇيرىققا قول قويعان.
دەرەككوز: centralasian
Abai.kz
