كوڭىلبايدىڭ «Amanat-ى» اق ەكەن...
![](https://abai.kz/content/uploads/2023/11/ukpup.jpg)
ەستەرىڭىزدە بولسا، وسىدان ءبىر اي بۇرىن «Abai.kz» سايتىنا «كوڭىلباي شۇكەنوۆكە شۇيلىگىپ جۇرگەندەر كىم؟» اتتى «اشىق حات» جازىپ، استانا قالاسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرىنىڭ باسا-كوكتەپ كىرىپ، كوڭىلباي شۇكەنوۆ نەگىزىن قالاعان «Amanat Drive» تۇتىنۋ كووپەراتيۆىنىڭ ءۇش كابينەتى مەن ۇيىنە ءتىنتۋ جۇرگىزگەنىن، سوتتىڭ ءتىنتۋ جۇرگىزۋ تۋرالى شەشىمى «Amanat Drive» تۇتىنۋ كووپەراتيۆىن ەمەس، «Amanat Home» كووپەراتيۆىن ءتىنتۋ تۋرالى شىعارىلعانىن جۇرتقا بايانداعامىز.
اتالعان «اشىق حاتتىڭ» باسىنا «قازاقستان رەسپۋبليكاسىنىڭ باس پروكۋرورى بەرىك اسىلوۆتىڭ نازارىنا!» دەپ، ەسكەرپە بەرگەمىز. ەسكەرتپە بەرىپ قانا قويماي، سول «اشىق حاتتى» باس پروكۋروردىڭ وزىنە جولداعان بولاتىنبىز.
باس پروكۋروتۋرا ول «اشىق حاتتى» استانا قالاسىنىڭ پروكۋروتۋراسىنا جىبەرىپتى.
مىنە، سول «Amanat Drive» تۇتىنۋ كووپەراتيۆىنىڭ ءۇش كابينەتى مەن كوڭىلباي قالدىبەكۇلىنىڭ ۇيىنە جۇرگىزىلگەن ءتىنتۋ وقيعاسىنا بايلانىستى استانا قالاسىنىڭ پروكۋروتۋراسىنان ارنايى جاۋاپ كەلدى.
«Amanat Drive» تۇتىنۋ كووپەراتيۆىنىڭ سالىمشىلارى مەن قولداۋشىلارىنا تۇسىنىكتى بولۋ ءۇشىن سول جاۋاپتىڭ تولىق نۇسقاسىن بەرۋدى ءجون دەپ تاپتىم.
***
ا. مۇقيبەككە
ءسىزدىڭ استانا قالاسى بويىنشا ەكونوميكالىق تەرگەپ-تەكسەرۋ دەپارتامەنتى (بۇدان ءارى - ەتتد) قىزمەتكەرلەرىنىڭ «AMANAT DRIVE» تۇتىنۋ كووپەراتيۆىندە ءتىنتۋ جۇرگىزۋ فاكتىسى بويىنشا كەلتىرگەن ارىزىڭىز قارالدى.
وسى رەتتە، استانا قالاسى بويىنشا ەتتد وندىرىسىندە «AMANAT HOME» تك جانە «AMANAT HALYK» تك قاتىستى قر قك-ءنىڭ 217-بابى 1-بولىگىمەن (قارجى پيراميداسىن قۇرۋ جانە وعان باسشىلىق ەتۋ) تىركەلگەن №237115031003140 سوتقا دەيىنگى تەرگەۋ جۇرگىزىلىپ جاتقانى انىقتالدى.
قىلمىستىق ءىس ماتەريالدارىن زەردەلەۋ بارىسىندا، 23.08.2023 جىلى استانا قالاسىنىڭ مامانداندىرىلعان اۋدانارالىق تەرگەۋ سوتىمەن، قىلمىستىق قۋدالاۋ ورگانىنىڭ استانا قالاسى، ا. يمانوۆ كوشەسى، 19 ءۇي، 1001س كەڭسەسى، استانا قالاسى، ا. باراەۆ كوشەسى، 16 ءۇي، «ا» بلوگى، 201 كەڭسەسى جانە استانا قالاسى، د. قوناەۆ كوشەسى، 12 ءۇي، ۆپ 9 مەكەن-جايلارىندا ءتىنتۋ جۇرگىزۋ تۋرالى قاۋلىلارى سانكتسيالاندى.
وسىعان بايلانىستى، 06.09.2023 جىلى تەرگەۋ ورگانىمەن كورسەتىلگەن مەكەن-جايلاردا ءتىنتۋ جۇرگىزىلدى.
قر قپك-ءنىڭ 107-بابى 1-بولىگىنە سايكەس، سوتقا دەيىنگى تەرگەپ-تەكسەرۋ بارىسىندا كۇدىكتى، ونىڭ قورعاۋشىسى، زاڭدى وكىلى، جابىرلەنۋشى، ونىڭ زاڭدى وكىلى، وكىلى، تەرگەۋ سۋدياسىنىڭ اكتىسىمەن قۇقىقتارى مەن بوستاندىقتارى تىكەلەي قوزعالاتىن ادام تەرگەۋ سۋدياسىنىڭ قىلمىستىق قۋدالاۋ ورگانىنىڭ تەرگەۋ ارەكەتتەرىن جۇرگىزۋى تۋرالى قاۋلىسىنا، سانكتسياسىنا شاعىم جاساۋعا، ال پروكۋرور ءوتىنىشحات كەلتىرۋگە قۇقىلى.
وسىعان وراي، سوت اكتىسىمەن كەلىسپەگەن جاعدايدا، ءسىز وعان استانا قالاسىنىڭ مامانداندىرىلعان اۋدانارالىق تەرگەۋ سوتى ارقىلى استانا قالاسىنىڭ سوتىنا شاعىم كەلتىرۋگە قۇقىلى ەكەنىڭىزدى تۇسىندىرەمىن.
سونىمەن قاتار، قر قپك-ءنىڭ 11-بابى 5-بولىگىنە سايكەس، سوتتىڭ قىلمىستىق iس بويىنشا ۇكiمi مەن باسقا دا شەشiمدەرiن تيiستi سوتتار عانا قپك-دا كوزدەلگەن تارتiپپەن تەكسەرە الادى جانە قايتا قاراي الادى.
قالا پروكۋرورىنىڭ ءبىرىنشى ورىنباسارى
ە.بەردىبەكوۆ. ورىند: ا.مادي تەل: 71-21-49
***
كورىپ وتىرسىزدار، بۇل جەردە «AMANAT HOME» تك جانە «AMANAT HALYK» تك قاتىستى قر قك-ءنىڭ 217-بابى 1-بولىگىمەن (قارجى پيراميداسىن قۇرۋ جانە وعان باسشىلىق ەتۋ) تىركەلگەن №237115031003140 سوتقا دەيىنگى تەرگەۋ جۇرگىزىلىپ جاتىر ەكەن.
ال، ول قىلمىستىق ءىستىڭ «AMANAT DRIVE» تۇتىنۋ كووپەراتيۆىنە ەشقانداي قاتىسى جوق دەگەن ءسوز.
سوعان قاراماستان، استانا قالاسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى كوڭىلباي شۇكەنوۆتىڭ كەڭسەلەرى مەن ءۇيىن زاڭسىز تىنتكەنى كورىنىپ تۇر.
قالا پروكۋرورىنىڭ ءبىرىنشى ورىنباسارى ە.بەردىبەكوۆتىڭ جاۋابىنا ساي، وسى ءتىنتۋ وقيعاسىنا بايلانىستى، كوڭىلباي شۇكەنوۆ ءوز قورعاپ، سوتقا شاعىمدانۋىنا قۇقىلى ەكەن.
مىنە، جوعارىداعى قالا پروكۋرورىنىڭ ءبىرىنشى ورىنباسارى ە.بەردىبەكوۆتىڭ قولى قويىلعان جاۋاپتا بۇل تۋرالى: «وسىعان وراي، سوت اكتىسىمەن كەلىسپەگەن جاعدايدا، ءسىز وعان استانا قالاسىنىڭ مامانداندىرىلعان اۋدانارالىق تەرگەۋ سوتى ارقىلى استانا قالاسىنىڭ سوتىنا شاعىم كەلتىرۋگە قۇقىلى ەكەنىڭىزدى تۇسىندىرەمىن » - دەپ، اشىق جازىلعان.
الداعى جەردە كوڭىلباي قالدىبەكۇلى سوتقا جۇگىنە مە، جوق پا، ونى ءوزى بىلەدى.
ال، ءبىز ءوز تاراپىمىزدان «AMANAT DRIVE» تۇتىنۋ كووپەراتيۆى سىندى بىرەگەي حالىقتىق جوبانىڭ قولداۋشىسى رەتىندە ءوز پىكىرىمىزدى ايتىپ، پروكۋروتورانىڭ ناقتى جاۋابىن الدىق.
تۇشىمدى جاۋاپ الىپ قانا قويماستان، «AMANAT DRIVE» تۇتىنۋ كووپەراتيۆىنە دەگەن سەنىمىمىز ودان ارى ارتا ءتۇستى. سونداي-اق، ونىڭ قارسىلاستارىنىڭ كوپتىگىنە جانە ولاردىڭ باسا كوكتەپ، زاڭسىزدىققا بارا بەرەتىن ارسىزدىعىنا دا كوزىمىز جەتتى.
مەن تاعى قايتالاپ ايتامىن، «Amanat Drive» تۇتىنۋ كووپەراتيۆى «جاڭا قازاقستاننىڭ» جاڭا برەندتى. اتالعان جوبا كۇن ەمەس، ساعات ساناپ جۇرتتىڭ كۇندەلىكتى كوزايىمىنا، جاقىن سەرىگىنە، ارقاسۇيەرىنە اينالىپ بارادى!
تاۋەلسىز قازاقستان تاريحىندا مۇنداي حالىققا ءتيىمدى جوبا بولعان ەمەس، بولاتىن ءتۇرى دە كورىنبەيدى...
سوندىقتان، ونى كوزدىڭ قاراشىعىنداي قورعاۋ – بۇكىل الاش جۇرتىنىڭ مىندەتى!
اۋىت مۇقيبەك
Abai.kz