11 شىلدەدەن باستاپ قازاقستانداعى رەسپۋبليكالىق ماڭىزى بار تاعى ءبىر تاسجول ۋچاسكەسى اقىلى بولادى.

بۇل الماتى – تالدىقورعان – وسكەمەن – شەمونايحا – رەسەي شەكاراسى ("ۋبە" وتكىزۋ پۋنكتى) اۆتوجولىنىڭ تالدىقورعان – وسكەمەن ۋچاسكەسى. ونىڭ ۇزىندىعى 772,955 شاقىرىم بولادى.

بۇيرىققا سايكەس، اقىلى رەجيم 20 جىلعا ەنگىزىلەدى.  جۇرگىزۋشىلەر ءۇشىن تەگىن بالامالى باعىت ساقتالادى. اقىلى ۋچاسكەنى وبلىستىق ماڭىزى بار تالدىقورعان – ۇشتوبە – مولالى – لەپسى – اقتوعاي – تاڭسىق – اياگوز – قاراۋىل – سەمەي جولىمەن، سونداي-اق سەمەي – وسكەمەن رەسپۋبليكالىق تاسجولى ارقىلى اينالىپ وتۋگە بولادى.

ۋچاسكە ءى-ب جانە ءىى ساناتتى جولدارعا جاتادى. ونىڭ كەسىندىسىنە بايلانىستى ءار باعىتتا ءبىر نەمەسە ەكى قوزعالىس جولاعى قاراستىرىلعان، ال ءار جولاقتىڭ ەنى كەمىندە 3,75 مەتر بولادى.

كولىك قۇرالىنىڭ ساناتىنا بايلانىستى بۇكىل باعىت بويىنشا ءبىر باعىتقا جۇرۋ قۇنى 117-دەن 25 292 تەڭگە ارالىعىندا بولادى.

الدىن الا تولەم جاساعان جاعدايدا تاريف جول ءجۇرىپ وتكەننەن كەيىنگى تولەمگە قاراعاندا تومەن بولادى. ءبىر رەتتىك تولەمنەن بولەك، جۇرگىزۋشىلەرگە ايلىق جانە جىلدىق ابونەمەنتتەر قولجەتىمدى بولادى. سونداي-اق بۇيرىقتا بالامالى جول جوق ەلدى مەكەندەردىڭ ءتىزىمى كورسەتىلگەن.

Abai.kz