شەشەنستان باسشىسى رامزان قادىروۆ جاپپاي تارتىپسىزدىكتىڭ الدىن الۋدى جانە قاجەت بولسا وعان قاتىسقانداردى "شەكەسىنەن اتۋعا" بۇيرىق بەردى. بۇل جونىندە "ريا نوۆوستي" اگەنتتىگى جازعان.

وتكەن جەكسەنبىدە داعىستان اۋەجايىن انتيسەميتتىك اكتسياعا قاتىسقاندار باسىپ العان.

"تارتىپسىزدىككە ءبىر ادام شىقسا، ونى ۇستاپ، تۇرمەگە وتىرعىزىڭدار. بولماسا ءۇش رەت اۋەگە ەسكەرتۋ وعىن اتىپ، ول ادام زاڭعا باعىنباسا، شەكەسىنە اتىڭدار. ودان كەيىن شىقپايتىن بولادى. بۇل مەنىڭ بۇيرىعىم", - دەدى قادىروۆ شەشەن ۇكىمەتىنىڭ وتىرىسى كەزىندە.

شەشەنستان باسشىسى ۆلاديمير پۋتين سەكىلدى داعىستانداعى انتيسەميتتىك اكتسيالارعا كيەۆ پەن باتىس ەلدەرىنىڭ "قاتىسى" بارىن ايتتى.

ۋكراينا سىرتقى ىستەر مينيسترلىگى ماسكەۋدىڭ بۇل سوزدەرىن كىنانى باسقاعا اۋدارۋ ارەكەتى دەپ اتاعان.

ماحاچكالاداعى وقيعاعا قاتىسۋشىلار گازاداعى پالەستيندەردى قورعاۋ ءۇشىن شىققانىن ايتقان.

قادىروۆ ءوزى الەۋمەتتىك جەلىلەردە ءيزرايلدى "گەنوتسيد" جاساپ جاتىر دەپ ايىپتاپ، ونى ناتسيستىك گەرمانيامەن سالىستىرعان.

داعىستاندا جەكسەنبىدە تارتىپسىزدىككە بايلانىستى 83 ادام ۇستالعانى حابارلانعان. بىراق ولارعا قانداي دا ءبىر ايىپ تاعىلعانى بەلگىسىز.

Abai.kz