سوت شەشىمىنە سايكەس، پروكۋراتۋراعا بۇعاتتالعان مۇلىكتەردى ۇستاۋعا تىيىم سالىندى. بۇل جونىندە ۋسمانوۆتىڭ ءباسپاسوز قىزمەتى حابارلادى.
"ينتەرفاكس" مالىمەتىنشە، تاركىلەنگەن مۇلىكتەردىڭ ءبارى ۋسمانوۆقا قايتارىلادى.
بىلتىر قىركۇيەك ايىندا قىلمىستىق تەرگەۋ جونىندەگى فەدەرالدى قىزمەتى تەگەرنزەە كولى جاعاسىنداعى ۋسمانوۆتىڭ ۆيللاسىنا، فرانكفۋرتتەگى پاتەرىنە جانە "ديلبار" ياحتاسىنا تەرگەۋ جۇرگىزگەن. ءتىنتۋ بارىسىندا باعالى زاتتار تاركىلەنگەن.
Der Spiegel باسىلىمىنىڭ مالىمەتىنشە، ماينداعى فرانكفۋرت سوتى ءتىنتۋدى زاڭسىز دەپ مويىنداعان.
وسىدان كەيىن وليگارحتىڭ ادۆوكاتتارى تاركىلەنگەن مۇلىكتەردى قايتارىپ الۋ جونىندە سوتقا ءوتىنىش تۇسىرگەن. سوت بۇل ءوتىنىشتى قاناعاتتاندىرعان.
بيىل قازان ايىندا پوليتسيا قىزمەتكەرلەرى اليشەر ۋسمانوۆتىڭ گەرمانياداعى بىرنەشە ءۇيىن قايتا تىنتىگەن.
رەسەي ۋكرايناعا باسقىنشىلىق جاساعاننان كەيىن باتىس ەلدەرى پۋتين اينالاسىنداعى ادامدارعا سانكتسيا سالا باستاعان. ولاردىڭ ىشىندە اليشەر ۋسمانوۆ تا بار.
Forbes مالىمەتىنشە، اليشەر ۋسمانوۆ رەسەيدەگى ەڭ باي ادامداردىڭ ءبىرى. ونىڭ داۋلەتى 14,5 ملرد دوللار شاماسىندا.
Abai.kz
