استانادا ءوتىپ جاتقان تۇركى مەملەكەتتەرى ۇيىمىنىڭ ح سامميتىندە تۇركيا پرەزيدەنتى رەجەپ تايىپ ەردوعان تۇرىكمەنستاندى تمۇ-عا مۇشە بولۋعا شاقىردى.

«الدىڭعى سامميتتە سولتۇستىك كيپر تۇركى رەسپۋبليكاسى بايقاۋشى مارتەبەسىن الدى. وسى تاريحي شەشىم ءۇشىن راحمەت ايتامىز. وسى شەشىممەن تۇركى الەمى بارشاعا مىنانى كورسەتتى – كيپر تۇركىلەرى وقشاۋلانىپ قالسا دا، جالعىز ەمەس ەكەندىگىن بۇكىل الەمگە كورسەتتىك. ءبىزدىڭ مىندەتىمىز – بىرلەستىكتە جۇمىس ىستەۋ. كيپر تۇركىلەرى تۇركى وتباسىنىڭ اجىراماس بولىگى. كەلەسى سامميتتە سولتۇستىك كيپردىڭ تۇركى رەسپۋبليكاسىن ۇيىمعا بايقاۋشى رەتىندە كورەمىز دەگەن ۇمىتتەمىز»، - دەدى تۇركيا باسشىسى.

بۇدان كەيىن ول تۇرىكمەنستان تارابىنا تالايدان بەرى ايتىلىپ جۇرگەن ۇسىنىستى ەسكە سالدى.

«تاعى دا قايتالاپ، باسا ايتقىم كەلەدى. ءبىزدىڭ بايقاۋشى-مۇشەمىز تۇرىكمەنستاندى تولىققاندى مۇشە رەتىندە كورگىمىز كەلەدى. ءبىزدىڭ نەگىزگى ۇرانىمىز: «ءبىزدىڭ بىرلىگىمىز – ءبىزدىڭ كۇشىمىز». تۇركى الەمىن ءارتۇرلى سالالاردا نەعۇرلىم كۇشەيتكىمىز كەلەدى. سونداي-اق، ءارتۇرلى سىناقتارعا نەعۇرلىم ءتوزىمدى ءارى بەيىمدەلگىش ەتكىمىز كەلەدى. ءبىز باسشىلار رەتىندە تۇركى الەمىن بىرلىك پەن ىنتىماققا قاراي باعىتتاۋىمىز كەرەك»، - دەدى تۇركيا پرەزيدەنتى.

Abai.kz