ەكس-پرەزيدەنتتىڭ بايلىعى الەم بويىنشا ساتىلىپ جاتىر، ال ونىڭ ءىنىسى بولات نازارباەۆ مۇگەدەك ارباعا تاڭىلدى، دەپ حابارلادى قازتاگ  جۋرناليست اسەت ماتاەۆتىڭ دەرەككوزدەرىنە سىلتەمە جاساپ.

دەرەككوزدەردىڭ مالىمەتىنشە، الماتىدا ن.نازارباەۆقا شارۋاشىلىق قىزمەت كورسەتۋمەن «قازاقمىس» كومپانياسى اينالىسادى. سونداي-اق، دەرەككوزدەر نازارباەۆتىڭ الماتىعا كوشۋى مۇمكىن ەكەنىن، ال ونىڭ كومەكشىسى اباي بيسەمباەۆ مۇلىكتەرىن ساتۋمەن اينالىسادى ەكەن.

ينتەرنەتتە نازارباەۆتاردىڭ وتباسىلىق فوتوسۋرەتى جاريا بولدى.

وندا بۇرىنعى پرەزيدەنت ءوزىنىڭ كۇيەۋ بالاسى تيمۋرر قۇلىباەۆقا تيەسىلى Comlux اۆياكومپانياسىنىڭ Airbus A320 NEO VIP ۇشاعىمەن ۇشىپ جۇرگەنى جازىلادى.

«بورت بۇرىن «پرەزيدەنت ىستەرىن باسقارۋعا»  تيەسىلى بولعان، بىراق 2022 جىلدىڭ تامىزىنان باستاپ Airbus «قازاقستان مەكتەپتەرى مەن داڭعىلدارى، اۋەجايى مەن ۋنيۆەرسيتەتى ادامىنىڭ» قاجەتتىلىگى ءۇشىن Comlux-كە بەرىلدى»، - دەلىنگەن حابارلامادا.

بولات نازارباەۆ 1953 جىلى 23 ناۋرىزدا الماتى وبلىسى قاراساي اۋدانى شامالعان اۋىلىندا دۇنيەگە كەلگەن. 1997 جىلدان باستاپ BN INVEST حولدينگىن باسقاردى. 2016 جىلى «ساليكالى ۇرپاق» قوعامدىق قورىن قۇردى. سول جىلى «پاراسات» وردەنىمەن ماراپاتتالدى. بولات نازارباەۆتىڭ ەسىمى بىرقاتار ستراتەگيالىق سالالارداعى اكتيۆتەردى مونوپوليالىق باسىپ الۋ، سونداي-اق رەيدەرلىك شابۋىلداۋ سياقتى ارەكەتتەرمەن تانىمال.

بۇعان دەيىن بولات نازارباەۆتىڭ دەنساۋلىعىنىڭ كۇرت ناشارلاعانى تۋرالى حابارلانعان بولاتىن.

Abai.kz