اۋىل شارۋاشىلىعى ءمينيسترى ايداربەك ساپاروۆ اقبوكەندەردىڭ ەتىن ساتۋ ماسەلەسىنە قاتىستى تۇسىنىكتەمە بەردى، دەپ حابارلايدى Ulysmedia.kz.

جۋىردا ەكولوگيا مينيسترلىگى قازاقستاندا اقبوكەندەردىڭ سانى اۋلاۋ جانە اتۋ ارقىلى رەتتەلەتىنىن مالىمدەدى. شەنەۋنىكتەر ءبىزدىڭ ەلىمىزدە كيىك ەتىن ساتۋعا زاڭمەن رۇقسات بەرۋ كوزدەلىپ وتىرعانىن جەتكىزدى.

بريفينگتە جۋرناليستەر ساپاروۆتان وسى وزەكتى تاقىرىپ بويىنشا قوسىمشا اقپارات بەرۋىن سۇرادى. ول اقبوكەننىڭ ەتىنىڭ قانشا تۇراتىنىن ناقتىلاي المادى، بۇل ەكولوگيا مينيسترلىگىنە قاتىستى ماسەلە ەكەنىن ايتىپ، ساتىلىم تەك قازاقستان ىشىندە بولاتىنىنا سەندىردى.

"جانۋارلاردى اۋلاۋ جانە اتۋ تۋرالى شەشىمدى ەكولوگيا مينيسترلىگى قابىلدايدى. ەت كومبيناتىندا ءبىزدىڭ ۆەتەرينارلىق دارىگەرلەر جۇمىس ىستەيدى.

ءبىز ەكسپورتقا ءالى دايىن ەمەسپىز، شەتەلگە ساتۋ ءۇشىن ەت كومبيناتى ەكسپورتتاۋشىلار تىزىمىندە بولۋى كەرەك. ينسپەكتسيا سوندا بارىپ، ساتىپ الۋعا بولتانىنىن نەمەسە بولمايتىنىن انىقتاۋى كەرەك. ازىرگە تەك قازاقستان ىشىندە", - دەدى ول.

Abai.kz