ع.مۇسىرەپوۆ اتىنداعى قازاق مەملەكەتتىك اكادەميالىق بالالار منن جاسوسپىرىمدەر تەاترىندا  1-6 قاراشا ارالىعىندا زاماناۋي ۇلگى، ەرەكشە ۇيىمداستىرۋ، تىڭ باعىتتا وتكەن فەستيۆال اياقتالدى.

مادەنيەت جانە اقپارات مينيسترلىگىنىڭ قولداۋىمەن، ع.مۇسىرەپوۆ اتىنداعى تەاتردىڭ ۇيىمداستىرۋىمەن الماتى قالاسىندا ءى رەسپۋبليكالىق جاستار تەاترلارى فەستيۆالى ءوتتى. ۇزدىك 8 رەجيسسەردىڭ جۇمىستارىمەن تانىستىرىپ، وتاندىق 8 تەاتر ۇجىمىنىڭ ونەرىن قالىڭ كوپشىلىككە ۇسىنعان فەستيۆال جوعارى دارەجەدە ءوتتى. ەلىمىزدە ءداستۇرلى تۇردە وتكىزىلەتىن فەستيۆالدەردەن ءوتۋ بارىسى وزگەشە بولىپ، ءار كۇنى جاڭاشىلدىققا تولى بولدى. سوزىمىزگە دالەل، فەستيۆالدىڭ اشىلۋ سالتاناتىندا 30 رەجيسسەردىڭ ىشىنەن ىرىكتەلىپ الىنعان، ەڭ ۇزدىك دەپ انىلعان 8 رەجيسسەر ارنايى ديپلوممەن ماراپاتتالىپ، قارجىلاي سىيلىققا يە بولدى. توپتى جارىپ، جاس رەجيسسەرلەر اراسىنان جەڭىمپاز دەپ تانىلعان رەجيسسەرلەر:اريداش وسپانباەۆا، الىبەك ومىربەكۇلى، انتون زايتسەۆ، گۇلناز بالپەيسوۆا، شاعۋان ۇمبەتقاليەۆ، اننا تسوي، شىڭعىس جاقىپباي جانە مەيرام حابيبۋللين.قاتىسۋشىلاردى ءبىر-بىرىمەن جارىستىرماي، جاقىنداستىرعان فەستيۆال ارىپتەستەر اراسىنداعى ىقپالداستىقتى نىعايتارى ءسوزسىز. تەاتر عيماراتى الدىندا، اشىق اسپان اياسىندا وتكەن سالتاناتتى كەشتەن كەيىن قوناقتار نازارىنا «قۇلاگەر» (رەج.:ف.مولداعالي) قويىلىمى ۇسىنىلدى. قازاقتىڭ ءىنجۋ-مارجانى بولىپ سانالعان شىعارمانى قوناقتارعا ۇسىنىپ،ۇيىمداستىرۋشى تەاتردىڭ رەپەرتۋارىنداعى قويىلىممەن تانىستىرۋ فەستيۆالدىڭ كوركەمدىك كورىگىن كەلتىردى.

ءبىر اپتا بويى الماتىلىق كورەرمەن 8  رەجيسسەر مەن 8 تەاتر ۇجىمىنىڭەڭ ءساتتى ساحنالانعان سپەكتاكلدەرىن كورىپ، ونەرلەرىمەن سۋسىندادى. جۇزدەن جۇيرىك، مىڭنان تۇلپار سانالىپ، ىرىكتەۋدەن سۇرىنبەي وتكەن، تالانتى مەن تالابى ورىمدەي ءورىلىپ قاتىسۋشى اتانعان تەاترلارمەن تانىس بولىڭىز. ءى رەسپۋبليكالىق جاستار تەاترلارى فەستيۆالىنىڭ قاتىسۋشىلارى: م.اۋەزوۆ اتىنداعى قازاق ۇلتتىق دراما تەاترى «كاسساندرا تاڭباسى» (رەجيسسەرى:ءاريداش وسپانباەۆا), ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى «قىز جىبەك» (رەجيسسەرى: الىبەك ومىربەكۇلى), رەسپۋبليكالىق مەملەكەتتىك اكادەميالىق كورەي مۋزىكالىق كومەديا تەاترى «قوبىلاندى» (رەجيسسەرى: اننا تسوي), ت.احتانوۆ اتىنداعى اقتوبە وبلىستىق دراما تەاترى «ريچارد ءىىى» (رەجيسسەرى: مەيرام حابيبۋللين),توتالنىي تەاتر تەاترلىق كومپانياسى «يا ەست» (رەجيسسەرى: انتون زايتسەۆ), 17 جاستار تەاترى «العاشقى ۇستاز» (رەجيسسەرى: شاعۋان ۇمبەتقاليەۆ), س.سەيفۋللين اتىنداعى اكادەميالىق قازاق دراما تەاترى «قاراگوز» (رەجيسسەرى: گۇلناز بالپەيىسوۆا), استانا قالاسى اكىمدىگىنىڭ جاستار تەاترى «شىراق» (رەجيسسەرى: شىڭعىس جاقىپباي) قويىلىمدارى.

ەلىمىزدىڭ ءار اۋماعىنان جينالعان وتاندىق تەاترلار ەڭ ۇزدىك رەجيسسەرلەردىڭ تۋىندىلارىن پاش ەتكەن فەستيۆال وتكەن ءاربىر كۇنى ەكىنشىسىنە ۇقسامادى. قويىلىم كورسەتىلىمىنىڭ العاشقى كۇنىنىڭ كەشىندەART CLUB اتتى ەرەكشە ۇلگىدەگى كەش ءوتتى. تەاتر تۋرالى ويلار ايتىلىپ، كوڭىلدى ويىندار ويناتىلىپ، ءتۇرلى ونەر كورسەتىلگەن كەش تەك قاتىسۋشىلار قۇرمەتىنە ارنالدى. قازاق تەاتر ونەرىنىڭ بۇگىنگى دامۋ باعىتى مەن كوركەمدىك ەرەكشەلىگىن زەردەلەپ، ارىپتەستەر اراسىنداعى بايلانىستى نىعايتقان كەش قاتىسۋشىلاردى ءبىر-بىرىمەن تانىستىرىپ، شىعارماشىلىق ارقىلى بىرىكتىردى. سونداي-اق، كورەرمەندەر فەستيۆال اياسىندا قاتىسۋشى تەاترلاردىڭ عانا ونەرىن تاماشالاپ عانا قويعان جوق، الماتىلىق تەاترلاردىڭ ەڭ ۇزدىك قويىلىمدارىن كورۋگە مۇمكىندىك تۋدى. SHOWCASE – ەڭ ۇزدىك قويىلىمدار كورسەتىلىمىندە  ȘAM تەاترى «№37»، نەمىس دراما تەاترى «شەست پەرسوناجەي ۆ پويسكاح اۆتورا»، ع.مۇسىرەپوۆ تەاترى «وپتيميستىك تراگەديا»، «كىشكەنتاي حانزادانىڭ ورالۋى»، «ديلفيزو مەن دونادا» جانە ARTيشوك تەاترى «زۆەرسكي دەتەكتيۆ: پراۆو حيششنيكا» قويىلىمدارىن ۇسىندى. فەستيۆال اياسىندا وزگە تەاترلاردىڭ ونەرىمەن دە تانىس بولۋ، تاجىريبە الماسۋ تەاتر ءارتيسى ءۇشىن اسا ماڭىزدى، ءونىم بەرەتىن جۇمىس بولىپ تابىلادى.  قاتىسۋشىلارعا ارناپ ۇيىمداستىرۋشىلار جانە جاس تەاتر سىنشىلارى THEATRE ATMOSPHERE كەشىن وتكىزدى. فەستيۆالدە تۇيگەن ويلار، جيناعان تاجىريبەلەر تۋرالى ايتىلىپ، شىعارماشىلىق پىكىر الماساتىن اتموسفەراعا تولى بولعان كەشتە ورىندى پىكىرلەر ايتىلىپ، سۇبەلى سۇحبات قۇرىلدى.

جاستار تەاترلارى فەستيۆالىنىڭ جابىلۋ سالتاناتى فەستيۆال بارىسى سىندى ەركىن ۇلگىدە ءوتتى. ارنايى ستسەناريمەن وتەتىن سالتاناتتى جابىلۋلاردان وزگەشە دارا بولعان كەش قاتىسۋشى تەاترلاردىڭ ارتيستەرىنىڭ ونەرىن تاماشالاۋمەن، ەركىن درەسس-كودپەن، جاڭا باعىتتاعى كاسىبي تەاتر ماماندارىنىڭ ەركىن وتىرىسى سىندى ءوتتى. جابىلۋ كەشىندە تەاترلار قاتىسقانى ءۇشىن، ەكسپەرتتىك كوميسسيا مۇشەلەرى كاسىبي ءارى وتكىر كوزقاراس تانىتقاندارى ءۇشىن العىس حاتتارمەن ماراپاتتالدى.تىڭ ىزدەنىسىمەن كوزگە تۇسكەن رەجيسسەردى انىقتاۋدا كاسىبي شەبەرلىكتەرىن كورسەتىپ، جاۋاپتى قىزمەتتى اتقارعان ساراپشىلار وتاندىق تەاتر ۇدەرىسىندەگى قويىلىمداردى كورىپ، تەاترتانۋشىلىق تالداۋ جاساپ، ساراپتاما جۇرگىزىپ جۇرگەن ماماندار. اتاپ ايتار بولساق، جاقسىلىقوۆا مەرۋەرت بولاتقانقىزى – تەاترتانۋشى، ونەرتانۋ كانديداتى، پروفەسسور; ەركەباي انار سايىمجانقىزى – تەاترتانۋشى، ونەرتانۋ كانديداتى، پروفەسسور، قازاقستان تەاتر سىنشىلارى بىرلەستىگىنىڭ ءتورايىمى. مولداعالي فارحاد ەرلانۇلى – «دارىن» مەملەكەتتىك جاستار سىيلىعىنىڭ يەگەرى، تەاتردىڭ كوركەمدىك جەتەكشىسى، رەجيسسەر. ولگا مالىشەۆا – دراماتۋرگ، تەاتر بلوگەرى. بەيبىت الكەەۆا – تەاترتانۋشى، ونەرتانۋ ماگيسترى.

1-6 قاراشا ارالىعىندا وتكەن ءى رەسپۋبليكالىق جاستار تەاترلارى فەستيۆالى تۇڭعىش رەت وتكىزىلگەنىنە قاراماستان، وتاندىق فەستيۆالدەرگە ۇقسامايتىن، بارىسى مەن ۇيىمداستىرىلۋ ۇلگىسى تىڭ شەشىمدەر مەن زاماناۋي ۇردىستە وتكەن وزىق فەستيۆال بولدى. ع.مۇسىرەپوۆ تەاترىنىڭ ارتيستەرى قازىرگى تاڭدا ۇزدىك ونەرىمەن كوزگە ءتۇسىپ جۇرگەن بولسا، بۇل جولى تەاتر باسشىلىعى مەن ۇيىمداستىرۋشىلارى جوعارى دەڭگەيدەگى تەاترلىق جانە كاسىبي قابىلەتتەرىن كورسەتتى. جاستار قالاسىنداعى جالىندى جاستاردى قولداعان فەستيۆال جالعاسىن تابادى دەگەن تىلەكتەمىز!

مەرەي التىنبەك

Abai.kz