ەكولوگيا جانە تابيعي رەسۋرستار ءمينيسترى ەرلان نىسانباەۆ قازاقستان اقبوكەندەردىڭ ءمۇيىزىن شىعىس ەلدەرىنە ساتاتىنىن مالىمدەدى، دەپ حابارلايدى Ulysmedia.kz.

جاقىندا ەكولوگيا مينيسترلىگى قازاقستانداعى اقبوكەندەردىڭ سانى اۋلاۋ مەن اتۋ ارقىلى رەتتەلەتىنىن حابارلادى. شەنەۋنىكتەرەلىمىز كيىك ەتىن ساتۋمەن زاڭدى تۇردە اينالىساتىنىن اتاپ ءوتتى.

Ulysmedia.kz رەداكتسياسى اقبوكەندەردىڭ ءمۇيىزىن ساتۋعا قاتىستى مينيستردەن جاۋاپ الىپ، «كيىك ءمۇيىزىن قىتايعا ساتۋ جاسپارلانىپ وتىرعانىن ۆەدومستۆو باسشىسى راستادى» دەيدى.

ونىڭ ايتۋىنشا، مۇيىزدەر قازىر ساتىلمايدى، ويتكەنى بۇعان CITES – 1973 جىلى ۆاشينگتوندا وتكەن حالىقارالىق تابيعاتتى قورعاۋ وداعىنىڭ قارارى ناتيجەسىندە قول قويىلعان حالىقارالىق ۇكىمەتتىك كەلىسىم بويىنشا تىيىم سالىنعان.

"اقبوكەندەردىڭ مۇيىزدەرى ءداستۇرلى تۇردە شىعىس ەلدەرىندەگى فارماتسەۆتيكانىڭ قۇرامداس بولىگى بولىپ تابىلادى، نەگىزىنەن قىتايدا. بۇگىنگى تاڭدا ولاردى ەكسپورتتاۋعا مۇمكىندىگىمىز جوق، ويتكەنى CITES حالىقارالىق ۇيىمى جانۋارلاردىڭ جەكەلەگەن تۇرلەرى، سونىڭ ىشىندە اقبوكەندەردىڭ بولشەكتەرى مەن دەريۆاتتارىن ەكسپورتتاۋعا تىيىم سالدى", — دەدى ول.

ەكولوگيا مينيسترلىگىنىڭ باسشىسى ۆەدومستۆو شەنەۋنىكتەرى اقبوكەندەردىڭ مۇيىزدەرىن ساتۋعا رۇقسات الۋ ءۇشىن شۆەيتسارياعا اتتانعانىن ايتتى. ەكسپورتتى 2025 جىلى باستاۋ جوسپارلانۋدا.

ء"بىز كەلىسسوزدەر جۇرگىزىپ جاتىرمىز. كوميتەت توراعاسىنىڭ ورىنباسارى قازىر جەنەۆادا، CITES-ءتىڭ جانۋارلار دۇنيەسى كوميتەتىندە ءجۇر.  وندا اقبوكەندەردىڭ دەنە بولىكتەرى مەن دەريۆاتتارىن ەكسپورتتاۋعا  سالىنعان تىيىمدى الىپ تاستاۋ ماسەلەسى تالقىلانۋدا، – دەدى نىسانباەۆ.

ەسكە سالايىق، بۇدان بۇرىن قازاقستاندا كيىكتەردى اۋلاۋ مەرزىمدەرى بەلگىلەنگەنى حابارلانعان.

Abai.kz