بايقوڭىر مەكتەپتەرىندە قازاق ءتىلى تەك ساباقتان تىس ۋاقىتتا جانە اتا-انالاردىڭ قالاۋى بويىنشا وقىتىلادى، دەپ حابارلادى قازتاگ.

«اتالعان پاندەردى («قازاق ءتىلى مەن ادەبيەتى»، «قازاقستان تاريحى») وقىتۋ بايقوڭىردىڭ رەسەيلىك مەكتەپتەرىندە تەك ءبىلىم الۋشىلاردىڭ جەكە قاجەتتىلىكتەرىن قامتاماسىز ەتۋ شەڭبەرىندە (باسقا ءبىلىم الۋشىلاردىڭ قۇقىقتارىنا نۇقسان كەلتىرمەي), ياعني ولاردىڭ قالاۋى بويىنشا (اتا – انالارىنىڭ نەمەسە زاڭدى وكىلدەرىنىڭ قالاۋى بويىنشا) ساباقتان تىس قىزمەت نىسانىندا – نەگىزگى جالپى ءبىلىم بەرۋ باعدارلاماسىنىڭ شەڭبەرىندە عانا مۇمكىن بولادى»،- دەپ حابارلادى بايقوڭىر قالاسىنىڭ ءبىلىم باسقارماسى.

جەرگىلىكتى بيلىك م.ك.يانگەل اتىنداعى №7 ورتا مەكتەپتە  2022 جىلدان باستاپ ءبىلىم الۋشىلار مەن ولاردىڭ اتا-انالارىنىڭ تىلەكتەرىن ەسكەرە وتىرىپ، 5, 6, 8, 9 سىنىپتاردا قازاق ءتىلى مەن قازاقستان تاريحى بويىنشا ساباقتان تىس ۋاقىتتا سىنىپتار ۇيىمداستىرعان.

ولاردىڭ ايتۋىنشا، باسقا مەكتەپتەردە جۇرگىزىلگەن ساۋالناما مەن مونيتورينگ ناتيجەسىندە ءبىلىم الۋشىلار مەن ولاردىڭ اتا-انالارى ساباقتان تىس ۋاقىتتا مەملەكەتتىك قورىتىندى اتتەستاتتاۋعا دايىندالۋعا، شەت تىلدەرىن ۇيرەنۋگە، سپورتتىق باعىتقا جانە پاتريوتتىق تاربيەگە باسىمدىق بەرەتىن كورىنەدى.

فوتو: اشىق دەرەككوزدەن

Abai.kz