"13 قاراشادا 44 ازاماتتان تۇراتىن ءبىرىنشى توپتى ەۆاكۋاتسيالاۋ جوسپارلانعان. وعان قازاقستاننىڭ 40 ازاماتى جانە ءتورت شەتەلدىك – ولاردىڭ وتباسى مۇشەلەرى كىرەدى. ەۆاكۋاتسيالاناتىنداردىڭ اراسىندا باسقا توعىز ەلدىڭ وكىلدەرى بار – ماروككو، يوردانيا، رەسەي، يسپانيا، شۆەتسيا، پەرۋ، نيدەرلاندى، ۇلىبريتانيا، اقش", - دەدى سىم رەسمي وكىلى ايبەك سمادياروۆ.

ەۆاكۋاتسيا گازا سەكتورى مەن ەگيپەت اراسىندا ورنالاسقان رافاح باقىلاۋ بەكەتى ارقىلى جۇزەگە اسىرىلادى. ودان وتكەننەن كەيىن قازاقستاندىقتار كايرگە كولىكپەن جەتكىزىلىپ، قوناقۇيگە ورنالاستىرىلادى. بارلىق قۇجاتتارى تەكسەرىلگەننەن كەيىن قازاقستانعا جىبەرىلەدى.

ەسكە سالا كەتەيىك، 7 قازاندا پالەستينالىق حاماس قوزعالىسى يزرايلگە قارسى شابۋىل جاسادى. گازا سەكتورىنان يزرايلگە قاراي مىڭداعان زىمىران اتىلىپ، قارۋلى توپتار يزرايل ەلدى مەكەندەرىنە كىردى. بۇعان جاۋاپ رەتىندە يزرايل ارمياسى ونداعان جويعىش ۇشاقتى پايدالانىپ، گازا سەكتورىندا حاماسقا قارسى «تەمىر قىلىشتار» وپەراتسياسىن باستاعانىن حابارلادى.

قازاقستان حاماس-تىڭ  يزرايلدىك بەيبىت تۇرعىندارعا شابۋىلىن جانە شەتەل ازاماتتارىن كەپىلگە الۋىن ايىپتادى. سونداي-اق، ەلىمىز ءيزرايلدى گازا سەكتورىندا كوپتەگەن بەيبىت تۇرعىنداردىڭ قازا بولۋىنا جانە ازاماتتىق ينفراقۇرىلىمنىڭ جويىلۋىنا اكەلىپ سوعاتىن پروپورتسيونالدى ەمەس كۇش قولدانۋدان باس تارتۋعا شاقىردى.

سونداي-اق، قازاقستان 120 ەلمەن بىرگە تاياۋ شىعىستا تەز ارادا اتىستى توقتاتۋدى تالاپ ەتەتىن قاراردى قولدادى. كوپشىلىك داۋىسپەن بۇۇ باس اسسامبلەياسى ءبىر توپ اراب ەلدەرى ۇسىنعان يزرايل مەن حاماس اراسىندا گازا سەكتورىنداعى اتىستى توقتاتۋدى تالاپ ەتەتىن قاراردى ماقۇلدادى. بۇل قارارعا 120 ەل داۋىس بەردى، يزرايل مەن اقش-تى قوسقاندا 14 ەل قارسى بولدى. تاعى 45 ەل، ونىڭ ىشىندە ۋكراينا دا قالىس قالدى.

بۇدان بۇرىن گازا سەكتورىندا قازاقستان ازاماتى قازا تاپقانى حابارلانعان.

6 قاراشادا وتكەن بريفينگتە قر ءسىم رەسمي وكىلى ايبەك سمادياروۆ قاقتىعىس ايماعىندا قازاقستاننىڭ 76 ازاماتى، وتباسى مۇشەلەرىمەن بىرگە ساناعاندا 161 ادام بارىن ءمالىم ەتتى.

فوتو: اشىق دەرەككوزدەن

Abai.kz