ءماجىلىس دەپۋتاتى رينات زايىتوۆ شەنەۋنىكتەردىڭ بالالارىن اسكەرگە بارۋعا مىندەتتەۋدى ۇسىندى.

«ءسىز ستاتيستيكاڭىزدا اسكەرگە 90 پايىز اۋىلدىڭ جاستارى كەلەدى دەپ ايتتىڭىز. وسى ۋاقىتقا دەيىن ءمينيستردىڭ، اكىمنىڭ بالاسى اسكەردە ءجۇر دەگەندى ەستىمەپپىن. ارينە، قاتەلەسۋىم دە مۇمكىن. وسى زاڭنىڭ اياسىندا جوعارى لاۋازىمدى تۇلعالاردىڭ وزدەرىن نە بالالارىن ەكى ايلىق اسكەري دايىندىققا مىندەتتەيتىنى تۋرالى نورمالاردى قاراستىرۋعا بولا ما؟»، - دەدى زايىتوۆ قورعانىس ءمينيسترى رۋسلان جاقسىلىقوۆقا.

بۇگىن ماجىلىستە كەيبىر زاڭنامالىق اكتىلەرىنە رەزەرۆتەگى قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن قارالعان بولاتىن. زاڭ جوباسى بويىنشا رەزەرۆ جاساق ءۇشىن ەكى مىڭ ادامدى جىل سايىن اسكەري دايىندىقتان وتكىزۋ كوزدەلىپ وتىر.

جاقسىلىقوۆ مينيسترلەر مەن اكىمدەردىڭ، دەپۋتاتتاردىڭ ۇلدارى اسكەري بورىشىن وتەيتىندەي جەكە نورما قاراستىرۋدىڭ ماڭىزى جوق ەكەنىن ايتتى. سەبەبى زاڭ بارىنە ورتاق.

«مەنىڭ ۇلىم 20 جاستا، ول ءالى ستۋدەنت. وقۋىن بىتىرسە، قولىنان ۇستاپ، قىزمەت ەتۋگە ءوزىم-اق اپارامىن. ۇلىم ارنايى بولىمشەلەردە نەمەسە بارلاۋدا قىزمەت ەتۋگە كوبىرەك بەيىم»، - دەدى رۋسلان جاقسىلىقوۆ.

Abai.kz