ەنەرگەتيكا مينيسترلىگى سۇيىتىلعان مۇناي گازىنىڭ باعاسىن كەزەڭ-كەزەڭىمەن كوتەرۋدى جوسپارلاپ وتىر. بۇل تۋرالى ەنەرگەتيكا ۆيتسە-ءمينيسترى الىبەك جاماۋوۆ ايتتى، - دەپ حابارلايدى Tengrinews.kz .

ونىڭ ايتۋىنشا، 2024 جىلى سۇيىتىلعان مۇناي گازى ليترىنە 5 تەڭگەگە قىمباتتايدى.

"ەنەرگەتيكا مينيسترلىگى باعانى كەزەڭ-كەزەڭمەن كوتەرۋدى جوسپارلاپ وتىر. 2024 جىلدىڭ ءبىرىنشى توقسانىندا سۇيىتىلعان مۇناي گازىنىڭ 1 ءليترى شامامەن 5 تەڭگەگە كوتەرىلەدى دەپ كۇتەمىز. ودان كەيىن الداعى 3 جىلدا گاز باعاسى ءار 6 اي سايىن قىمباتتاپ وتىرادى", - دەدى ۆيتسە-مينيستر ەنەرگەتيكا مينيسترلىگىندە وتكەن بريفينگتە.

ونىڭ ايتۋىنشا، باعانى كوتەرۋ جەرگىلىكتى گاز وڭدەۋ زاۋىتتارىن جاڭعىرتۋ، سونداي-اق گاز وندىرەتىن كاسىپورىنداردىڭ شىعىنسىز بولۋىن قامتاماسىز ەتۋ ءۇشىن قاجەت.

"وسى ارقىلى ءبىز ەلدەگى گاز تاپشىلىعىن ازايتامىز", - دەدى جاماۋوۆ.

Abai.kz