ىشكى ىستەر مينيسترلىگى بەيبىت شۇمەنوۆتىڭ ءالى ىزدەۋدە ەكەنىن مالىمدەدى. سونداي-اق كۇدىكتىگە قاتىستى سوتقا دەيىنگى تەرگەۋ مەرزىمى قر قىلمىستىق-پروتسەستىك كودەكستىڭ 45-بابى، 7-تارماعى، 3-تارماقشاسى نەگىزىندە توقتاپ تۇر.

«اتالعان فاكتى نەگىزىندە بيىل شىلدە ايىندا استانا قالاسى ەسىل اۋدانى پوليتسيا باسقارماسى قىلمىستىق كودەكستىڭ 293-بابى، 1 ءبولىمى بويىنشا سوتقا دەيىنگى تەرگەۋ جۇرگىزدى. شىلدە ايىنىڭ 12 كۇنى اتالعان ادامدى كۇدىكتى دەپ تانىپ، ونىڭ ءىس-ارەكەتىن قر قىلمىستىق كودەكسىنىڭ 293-بابى، 2-ءبولىم، 2-تارماقشاسى بويىنشا باعالاۋ جونىندە ارنايى قاۋلى شىعارىلدى»، - دەلىنگەن Kazinform اگەنتتىگىنىڭ رەسمي ساۋالىنا بەرىلگەن جاۋاپتا.

كەيىن استانا قالاسى مامانداندىرىلعان اۋدانارالىق سوتى كۇدىكتىنى قاماۋعا الۋ شاراسىن سانكتسيالادى.

شىلدە ايىنىڭ سوڭىندا كۇدىكتىگە حالىقارالىق ىزدەۋ جاريالاندى.

«28 تامىزدا كۇدىكتىگە قاتىستى سوتقا دەيىنگى تەرگەۋ مەرزىمى قر قىلمىستىق-پروتسەستىك كودەكستىڭ 45-بابى، 7-تارماعى، 3-تارماقشاسى نەگىزىندە توقتاتىلدى»، - دەيدى مينيسترلىكتەن.

ودان بولەك، ءىىم ءباسپاسوز قىزمەتىنىڭ قىزمەتكەرى: «بەيبىت شۇمەنوۆتى ىزدەۋ توقتاتىلعان جوق، ونى ۇستاعانعا دەيىن ءىس جۇرگىزۋ توقتاپ تۇر»، - دەپ تولىقتىردى.

ەسكە سالايىق، بيىل شىلدەدە قازاقستاندىق بوكسشى بەيبىت شۇمەنوۆ كوپشىلىك ورىندا بالاسى بار ەر ادامعا جۇدىرىق الا جۇگىرگەن ەدى.

سودان سوڭ بەيبىت شۇمەنوۆ دامحاناداعى وقيعانىڭ قالاي بولعانىن ايتىپ بەردى.

كەيىن وعان حالىقارالىق ىزدەۋ جاريالاندى.

فوتو: اشىق دەرەككوزدەن

Abai.kz