سەنبى, 5 ءساۋىر 2025
1481 0 پىكىر 21 قاراشا, 2023 ساعات 17:19

اباي وبلىسىنداعى اۋىلدارعا ينتەرنەت قوسىلدى

اباي وبلىسى اباي اۋدانىنداعى بىرنەشە اۋىلعا ينتەرنەت قوسىلدى.

وبلىس اكىمدىگىنىڭ مالىمەتىنە سۇيەنسەك، ينتەرنەت جەلىسىنە قوسىلعان اۋىلداردىڭ قاتارى ارتۋدا.

«اباي اۋدانى سارجال جانە مەدەۋ اۋىلدىق وكرۋگتەرىندە ينتەرنەت جەلىسىن قوسۋ جۇمىسى اياقتالدى. بۇگىندە توقتامىس، ارحات، وردا اۋىلىندا جەلىنىڭ جىلدامدىعىن ارتتىرۋ جۇمىسى جالعاسۋدا. توقتامىس اۋىلىندا 40 مەترلىك انتەننا-ماچتالىق قۇرىلعى ورناتىلىپ، وعان 6 شاقىرىم ەلەكتر جەلىسى تارتىلدى، ترانسفورماتورلىق قوسالقى ستانسا قويىلدى. قازىر ەلەكتر جەلىسىنە قوسۋ جۇمىستارى قولعا الىنىپ جاتىر»، – دەلىنگەن اقپاراتتا.

وسى باعىتتاعى جۇمىس ارحات اۋىلىندا دا ىسكە اسىرىلعان. اۋىلدا 40 مەترلىك انتەننا-ماچتالىق قۇرىلىم ورناتىلدى.

«بۇدان بولەك، وردا اۋىلىندا ترانسفورماتورلىق قوسالقى ستانتسيانى جانە 30 مەترلىك انتەننانى ورناتۋ جۇمىستارى جالعاسۋدا. 2,5 شاقىرىمدىق ەلەكتر جەلىسى تارتىلدى. جوعارىدا اتالعان اۋىلدىق وكرۋگتەردە بارلىق جۇمىستاردى جىل سوڭىنا دەيىن اياقتاۋ جوسپارلانعان»، – دەلىنگەن حابارلامادا.

ايتا كەتەيىك، بۇگىنگى تاڭدا اباي اۋدانى قاراۋىل، كەڭگىرباي بي، قاسقابۇلاق، كوكباي، قۇندىزدى اۋىلى تالشىقتى-وپتيكالىق بايلانىس جەلىسىمەن قامتىلىپ، بۇل ەلدى مەكەندەردە ۇيالى بايلانىس جانە ينتەرنەت جەلىسى جۇمىس ىستەيدى.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1501
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4221
46 - ءسوز

بىزگە بەيمالىم باراق حان

جامبىل ارتىقباەۆ 3117