ۇكىمەت باسشىسى ءاليحان سمايلوۆ تۇرمىستاعى زورلىق-زومبىلىققا قارسى پەتيتسيا تۋرالى پىكىر ءبىلدىردى.

«ءبىز قازىر تۇرمىستاعى زورلىق-زومبىلىق ءۇشىن جاۋاپكەرشىلىكتى كۇشەيتۋگە جۇمىس ىستەپ جاتىرمىز. بۇل نورمانىڭ كۇشىنە ەنبەگەنىنە قاراماستان، مەملەكەتتىك ورگاندار ازاماتتاردىڭ وتىنىشتەرىن قاراۋعا مىندەتتى. ال پەتيتسيا – بۇل كوپ ادامنىڭ پىكىرى، سوندىقتان ونى دا قاراۋ كەرەك. ءبىز مۇنداي وتىنىشتەردى قاراۋعا قازىر دە دايىنبىز. ءوزىم قىز ءوسىرىپ وتىرعاندىقتان ايەلدەرگە قاتىستى زورلىق-زومبىلىقتى قولدامايمىن»، - دەدى ول.

23 قاراشاداعى جاعداي بويىنشا تۇرمىستاعى زورلىق-زومبىلىق زاڭناماسىن رەفورمالاۋ تۋرالى پەتيتسياعا 149 مىڭ قازاقستاندىق قول قويعان.

Abai.kz