بۇگىندە ەلىمىزدە قىزىلشا جۇقتىرعان 30 بالا جانساقتاۋ بولىمىندە جاتىر. بۇل تۋرالى دەنساۋلىق ساقتاۋ ءمينيسترى اجار عينيات ايتتى، دەپ حابارلادى Halyq Uni.

قازىر قازاقستاندا قىزىلشامەن اۋىرعان ناۋقاستار ءۇشىن ينفەكتسيالىق اۋرۋحانالاردا 3,5 مىڭنان اسا توسەك-ورىن اشىلدى. ستاتسيونارلىق ەمدەلۋگە 2 375 بالا جاتقىزىلعان، توسەكتەر 60 پايىزعا جەتتى. رەزەرۆتە 1093 ورىن بار. ەمدەۋگە جاتقىزۋ جامبىل وبلىسىندا – 92%، الماتى قالاسىندا – 88%، تۇركىستان وبلىسىندا – 81%، شىمكەنت قالاسىندا – 79% جوعارى ەكەنى بايقالادى، - دەدى مينيستر ۇكىمەت وتىرىسىندا.

سونداي-اق ول قىزىلشادان ادام ءولىمى تىركەلمەگەنىن اتاپ ءوتتى.

«ەمدەۋگە جاتقىزىلعانداردىڭ ىشىندە 30 بالا جانساقتاۋ بولىمىندە جاتىر. ولاردىڭ جاعدايى اۋىر. ونىڭ ىشىندە 1 جاسقا دەيىنگى 15 بالا بار. ءولىم-ءجىتىم جوق. جاعدايى اۋىر بالالاردىڭ ءبارى مينيسترلىكتىڭ باقىلاۋىندا»، - دەدى اجار عينيات

فوتو: اشىق دەرەككوزدەن

Abai.kz