ارنايى قۇرىلعان قور كليماتتىڭ وزگەرۋىنەن زارداپ شەگىپ جاتقان كەدەي ەلدەرگە كومەك كورسەتۋگە ارنالعان. عالامدىق جىلىنۋعا جاۋاپكەرشىلىگى بار دامىعان ەلدەر قوردى قارجىلاندىرۋعا "شاقىرىلادى". بىراق بۇل جارعىلار ەرىكتى بولادى. اقش، ۇلىبريتانيا، گەرمانيا، جاپونيا، ءباا قورعا ميلليون دوللاردان قۇيۋعا ۋادە بەردى.

2030 جىلعا قاراي قورعا ءجۇز ملرد دوللار ءبولىنۋ جوسپاردا بار.

بۇۇ باس حاتشىسى انتونيۋ گۋتەرريش جەر استىنان الىناتىن ەنەرگەتيكالىق وتىندى پايدالانۋدان تولىق باس تارتۋعا شاقىردى. ونىڭ پىكىرىنشە، الەمدە قازىرگى تەحنولوگيانى قولدانىپ، 1,5°C [ادامزات ءۇشىن تەمپەراتۋرانىڭ كوتەرىلۋىنىڭ قاۋىپتى مەجەسى] ساقتاپ عانا قويماي، دامۋعا، گۇلدەنۋگە دە مۇمكىندىك بار.

"ازىرگە جەتىسپەيتىنى ساياسي ەرىك-جىگەر", - دەدى گۋتەرريش.

كونفەرەنتسيا ءوتىپ جاتقان بىرىككەن اراب امىرلىگى الەمدە مۇناي شىعاراتىن ەڭ ءىرى ەلدەردىڭ ءبىرى.

Abai.kz