استانا اكىمدىگىندە ايەلدەردى جۇمىسپەن قامتۋ جانە وتباسىلىق-دەموگرافيالىق ساياسات جونىندەگى كوميسسيا وتىرىسى ءوتتى. كوميسسيا قۇرامىنا قالا اكىمدىگىنىڭ، مەملەكەتتىك ورگانداردىڭ وكىلدەرى، كەڭەس مۇشەلەرى مەن ايەلدەر ىستەرى جونىندەگى ۇلتتىق كوميسسيانىڭ قىزمەتكەرلەرى كىردى.

جيىندى قالا اكىمىنىڭ ورىنباسارى، اتالعان كوميسسيا توراعاسى ەسەت بايكەن اشىپ، قاتىسۋشىلار الدىندا ءسوز سويلەدى. تالقىلاۋ 2023 جىلعا ارنالعان جوبالار مەن مەملەكەتتىك الەۋمەتتىك تاپسىرىس قورىتىندىلارىنا ارنالدى. استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى يليا سكۋب 2023 جىلعا ارنالعان مەملەكەتتىك الەۋمەتتىك تاپسىرىستاردىڭ تاقىرىپتارىمەن تانىستىرىپ، بەس الەۋمەتتىك جوباعا 28,8 ملن تەڭگە بولىنەتىنىن ايتتى.

«2023 جىلعى جوبالار تۋرالى ايتاتىن بولساق، وندا ءبىرىنشى كەزەكتە ەستۋ قابىلەتى ناشارلاعان ادامدارعا الەۋمەتتىك قولداۋ قىزمەتى كورسەتىلەدى. 5 ميلليون تەڭگە سوماسىنا كەم دەگەندە 300 ەستۋ قابىلەتى تومەن ادامدى، 40 اتا-انانى جانە 20 ەرىكتىنى قامتۋ جوسپارلانۋدا.

ەكىنشىدەن، اۋتيزم دياگنوزى قويىلعان مەكتەپكە دەيىنگى جانە مەكتەپ جاسىنداعى بالالارعا وڭالتۋ جانە الەۋمەتتىك كومەك كورسەتۋگە باسا نازار اۋدارىلاتىن بولادى. بۇل باعىتتا 7,8 ميلليون تەڭگەگە اۋتيزم دياگنوزىمەن 1,5-17 جاس ارالىعىنداعى كەم دەگەندە 270 بالانى قامتۋ جوسپارلانۋدا.

ۇشىنشىدەن، 5 ميلليون تەڭگە كولەمىندەگى سوما بولىنەدى. كەمىندە 250 مۇگەدەكتەر ارباسىن جوندەۋدەن باسقا، كەمىندە موبيلدىلىك قىزمەتىمەن 100 ادامعا جانە تسيفرلىق ساۋاتتىلىعى بار كەمىندە 100 ادامدى قامتۋ جوسپارلانۋدا. 100 ادام كادرلىق جانە دارىگەرلىك قىزمەتپەن قامتىلعان.

تورتىنشىدەن، تۇرمەدەن بوساتىلعان ادامداردى وڭالتۋ بويىنشا - 4 ميلليون تەڭگە سوماسىندا تۇرمەدەن بوساتىلعان نەمەسە بوساتۋعا دايىندالىپ جاتقان كەم دەگەندە 650 ادامدى قامتۋ جوسپارلانعان بولاتىن.

بەسىنشىدەن، 7 ميلليون تەڭگە مۇگەدەكتىگى بار جانە مۇگەدەكتىگى بار بالالاردى تاربيەلەپ وتىرعان اتا-انالارعا جان-جاقتى كومەك كورسەتۋدى ۇيىمداستىرۋ قىزمەتىنە كەمىندە 200-گە جۋىق ادامدى قامتۋ جوسپارلانۋدا»، - دەدى يليا سكۋب.

Abai.kz