Астана әкімдігінде әйелдерді жұмыспен қамту және отбасылық-демографиялық саясат жөніндегі комиссия отырысы өтті. Комиссия құрамына қала әкімдігінің, мемлекеттік органдардың өкілдері, кеңес мүшелері мен Әйелдер істері жөніндегі ұлттық комиссияның қызметкерлері кірді.

Жиынды қала әкімінің орынбасары, аталған комиссия төрағасы Есет Бәйкен ашып, қатысушылар алдында сөз сөйледі. Талқылау 2023 жылға арналған жобалар мен мемлекеттік әлеуметтік тапсырыс қорытындыларына арналды. Астана қаласының жұмыспен қамту және әлеуметтік қорғау басқармасының басшысы Илья Скуб 2023 жылға арналған мемлекеттік әлеуметтік тапсырыстардың тақырыптарымен таныстырып, бес әлеуметтік жобаға 28,8 млн теңге бөлінетінін айтты.

«2023 жылғы жобалар туралы айтатын болсақ, онда бірінші кезекте есту қабілеті нашарлаған адамдарға әлеуметтік қолдау қызметі көрсетіледі. 5 миллион теңге сомасына кем дегенде 300 есту қабілеті төмен адамды, 40 ата-ананы және 20 еріктіні қамту жоспарлануда.

Екіншіден, аутизм диагнозы қойылған мектепке дейінгі және мектеп жасындағы балаларға оңалту және әлеуметтік көмек көрсетуге баса назар аударылатын болады. Бұл бағытта 7,8 миллион теңгеге аутизм диагнозымен 1,5-17 жас аралығындағы кем дегенде 270 баланы қамту жоспарлануда.

Үшіншіден, 5 миллион теңге көлеміндегі сома бөлінеді. Кемінде 250 мүгедектер арбасын жөндеуден басқа, кемінде мобильділік қызметімен 100 адамға және цифрлық сауаттылығы бар кемінде 100 адамды қамту жоспарлануда. 100 адам кадрлық және дәрігерлік қызметпен қамтылған.

Төртіншіден, түрмеден босатылған адамдарды оңалту бойынша - 4 миллион теңге сомасында түрмеден босатылған немесе босатуға дайындалып жатқан кем дегенде 650 адамды қамту жоспарланған болатын.

Бесіншіден, 7 миллион теңге мүгедектігі бар және мүгедектігі бар балаларды тәрбиелеп отырған ата-аналарға жан-жақты көмек көрсетуді ұйымдастыру қызметіне кемінде 200-ге жуық адамды қамту жоспарлануда», - деді Илья Скуб.

Abai.kz