الەمدىك كەڭ تاراعان مەرەكەلەردىڭ ءبىرى – 5 جەلتوقساندا اتاپ وتىلەتىن حالىقارالىق ۆولونتەرلەر كۇنى.

قاي سالادا بولماسىن ءوز ەرىكتەرىمەن كومەك-قولداۋ جاساپ جۇرگەن ەلىمىزدەگى ۆولونتەرلەردى پرەزيدەنت قاسىم-جومارت توقاەۆ ءوزىنىڭ «X» جەلىسىندەگى پاراعىندا ءتول مەرەكەلەرىمەن قۇتتىقتاپ:

«بۇگىن، حالىقارالىق ۆولونتەرلەر كۇنى وزگەلەر ءۇشىن بەرىلە قىزمەت ەتەتىندەرگە باسىمىزدى يەمىز. ءبىزدىڭ ۆولونتەرلەر ءوز بويىنا جوعارعى مەيىرىمدىلىك يدەالىن، ادامسۇيگىشتىك قاسيەت پەن ازاماتتىق جاۋاپكەرشىلىكتى سىيدىرعان.

قوعامدىق ماڭىزى بار ءىس-شارعا قاتىساتىنداردىڭ، قايىرىمدىلىق جوبالارىن جۇزەگە اسىراتىنداردىڭ، كومەككە زارۋلەرگە قول ۇشىن بەرەتىندەردىڭ ارقاسىندا ءبىزدىڭ جاسامپاز ءىس-ارەكەتتەرىمىز شىنايى پاتريوتيزممەن ارايلانادى. مەملەكەت بۇدان ارى دا ەلىمىزدەگى ۆولونتەرلىك قوزعالىستى قولدايتىن بولادى»، - دەپ جازدى.

پرەزيدەنت قاسىم-جومارت توقاەۆ بۇل سوزدەرىنىڭ استارىندا «ادال ازامات» كونتسەپتسيا جاتىر.

Abai.kz