CPJ ءبىر اي بۇرىن يزرايل مەن حاماس اراسىنداعى جانجالدا جۋرناليستەر كوپ ولگەنىن حابارلاعان.

4 جەلتوقسانداعى جاعداي بويىنشا، 56 پالەستينالىق، ءتورت يزرايلدىك جانە ءۇش ليۆاندىق جۋرناليست قازا بولعان. 11 جۋرناليست جارالانىپ، ءۇش ءتىلشى ءىز-ءتۇسسىز جوعالعان. ۇيىم قاراشانىڭ اياعىندا جيىرما شاقتى جۋرناليست قامالعانىن حابارلاعان. 7 قازاندا حاماس راديكال توبى يزرايلگە شابۋىل جاساعان كۇنى كوپ جۋرناليست ولگەن.

CPJ قازا بولعان، جوعالعان، ۇستالعان، جارالانعان جۋرناليست تۋرالى راستالماعان مالىمەتتەردى تەكسەرىپ جاتىر.

يزرايل قورعانىس ارمياسى (تساحال) راديكالداردىڭ 7 قازاندا يزرايلگە شابۋىلىنان سوڭ گازا سەكتورىندا اسكەري وپەراتسيا باستادى. يزرايلدە 1200-گە جۋىق ادام قازا بولدى، 240-تان استام ادام تۇتقىنعا الىندى. حاماس باقىلاۋىنداعى گازا سەكتورى دەنساۋلىق ساقتاۋ مينيسترلىگىنىڭ مالىمەتىنشە، پالەستينا اۋماعىنداعى وپەراتسيا بارىسىندا 16 مىڭنان استام ادام قازا بولدى. مالىمەتتى سوعىس كەزىندە تەكسەرۋ مۇمكىن بولماي وتىر.

فوتو: عالامتوردان

Abai.kz