لاتىن امەريكاسىنداعى ارگەنتينادا اسىرەوڭشىل ساياساتكەر حاۆەرا ميلەيدىڭ، ەۋروپاداداعى گوللانديادا يسلامعا جانى قاس ساياساتكەر گەرت ۆيلدەرستىڭ ءوز ەلدەرىندەگى سايلاۋدا جەڭىسكە جەتۋى الەمدىك ساياسي ساحناداعى ەلەۋلى قۇبىلىس رەتىندە نازار اۋدارىپ، قىزۋ تالقىعا ءتۇستى.

پىكىرلەردىڭ توق ەتەرى ءبىر اۋىزدان قازىرگى ساياسي باسەكەدە پوپۋليست ساياساتكەرلەردىڭ كوش باستاپ تۇرعانىن ايتۋدا.

ۆەنگريا پرەزيدەنتى گوللاندياداعى سايلاۋ تۋرالى: «وزگەرىستىڭ جەلى ەستى»، - دەسە، امەريكانىڭ الدىنعى پرەزيدەنتى ترامپ: «حاۆەرا ميلەي ارگەنتينانى بارىنشا قۋاتتى ەتەدى»، - دەيدى.

حاۆەردىڭ جەلكىلدەگەن شاشىنا، ولەرمەندىگىنە، ەرسى قىلىقتارىنا قاراپ وعان قارسىلاستارى «جىندى» دەگەن اتاق بەرگەن. ول سايلاۋالدى پروگرامماسىندا پەسونىڭ ورىنىن دوللارعا اۋىستىرىپ، ورتالىق بانكتى، كەيبىر مينسترلىكتەردى كۇشىنەن قالدىرۋعا ۋادە ەتكەن.

پوپۋليزمگە بەرگەن ساياساتتانۋشىلاردىڭ انىقتاماسى دا ءارتۇرلى. جيناقتاپ ايتقاندا پوپۋليزم قوعامدى ەكى جىككە، قاراپايىم حالىق پەن شىرىگەن ەليتاعا بولەتىن كوزقاراس دەپ قارايدى. ۇلتشىل وڭشىلداردىڭ ءبارى «پوپۋليست» دەسەك قاتە بولادى ەكەن. پوپۋليستەر سولشىل ساياساتكەرلەر ىشىنەن دە شىعادى. وعان جارقىن مىسال رەتىندە ۆەنەسۋەلانىڭ بۇرىنعى باسشىسى ۋگا چاۆەستى اتايدى. ول ساياساتقا توسىننان كەلىپ، ۆەنەسۋەلانىڭ ءداستۇرلى ەكى پارتيالى ساياسي جۇيەسىن وزگەرتىپ، ولە-ولگەنشە بيلىكتە قالعان.

ءۇندىستان ۇكىمەت باسشىسى مودي دە پوپۋليست ساياساتكەرلەردىڭ الدىنعى لەگىندە ەكەن. ول بيلىككە كەلگەلى بۇقارا حالىق پەن ەليتانىڭ اراسىنا وت سالىپ، ءدىني ءتۇس بەرىپ، بۇددا ءدىنىن ۇستانۋشىلاردى عانا ناعىز بۇقارا دەپ، قالعاندارىن سىرت ادام ساناپ كەلەدى ەكەن.

تۇركيا پرەزيدەنتى ەردوعان دا پوپۋليست ساياساتكەرلەردىڭ بەل ورتاسىندا كەلەدى دەيدى. «ول ۇنەمى ءوزىن السىزدەردىڭ ءسوزىن سويلەيتىن كۇرەسكەر رەتىندە كورسەتىپ ءجۇر»، - دەيدى ساراپشىلار.

پوپۋليست ساياساتكەرلەردىڭ كوشىن امەريكالىق ترامپ باستاپ تۇرعانى بەلگىلى. ول كەلەسى جىلى سايلاۋدا جەڭىسكە جەتسە، الەمدە دەموكراتيا كەرى كەتەدى دەپ قاۋىپتەنەدى ساياسي ساراپشىلار.

ەسبول ۇسەنۇلى

Abai.kz