جامبىل وبلىسىندا ءتۇن جارىمىندا ماگيسترالدى گاز قۇبىرى جارىلىپ، 5 ەلدى مەكەندەگى 980 ءۇي جىلۋسىز قالدى.

اتاپ ايتقاندا، جامبىل اۋدانىنداعى قىزىلقاينار، جاسوركەن، جالپاقتوبە، قىزىلديحان، گرودەكوۆو اۋىلدارىنىڭ تۇرعىندارى گازسىز وتىر.

وعان قوسا وسى ەلدى مەكەندەردەگى 8 الەۋمەتتىك نىسان دا جىلۋدان اجىراپ قالدى، دەپ جازدى Kazinform.

اپات گرودەكوۆو اۋىلىندا تۇنگى 22:10 شاماسىندا بولعان. الدىن الا بولجام بويىنشا، قۇبىر قىسىم اسەرىنەن جارىلعان بولۋى مۇمكىن. قازىر سالا ماماندارى 20 مەتردەن اساتىن قۇبىر بولىگىن جالعاپ جاتىر. اپاتقا بايلانىستى ايماقتا ارنايى شتاب قۇرىلدى.

«جوندەۋ جۇمىستارى شامامەن 4-5 ساعات جۇرگىزىلەدى دەگەن ويدامىز. 10 جەردەن دانەكەرلەۋ، جالعاۋ جۇمىستارىن جۇرگىزۋ كەرەك. الەۋمەتتىك نىسانداردان 4 مەكتەپ، 2 بالاباقشا، 2 مەديتسينالىق عيمارات جىلۋسىز تۇر. وعان بايلانىستى جانار جاعارمايمەن جۇمىس ىستەيتىن ارنايى قۇرىلعى ناسوستارمەن ولاردىڭ جىلۋ جۇيەسىن اينالدىرىپ، قاتىپ قالماۋ ءۇشىن ارەكەت جاسالىپ جاتىر»، - دەيدى جامبىل وبلىسى اكىمىنىڭ ورىنباسارى قاناتبەك مادىبەكوۆ.

Abai.kz