"13 جەلتوقساندا ساعات 20:16-دا ەلەكتر ەنەرگياسى ءوشىپ، جىلۋ ەلەكتر ورتالىعىنداعى ءتورت قازاندىقتىڭ تورتەۋى دە ىستەمەي قالدى. جۇمىس رەجيمى 20:34-تە قالپىنا كەلتىرىلدى" دەپ حابارلادى ەنەرگەتيكا مينيسترلىگى.

ۆەدومستۆونىڭ حابارلاۋىنشا، جىلۋ ەلەكتر ورتالىعىندا №5, 6, 7, 12 قازاندىقتاردى جوندەۋ جۇمىستارى اياقتالعان، № 8, 11 قازاندىقتاردى جوندەۋ جۇمىسى 58 پايىز بىتكەن. جوندەۋ جۇمىسى 20 قاراشادا بىتەدى دەپ جوسپارلانعان. ال ءىس جۇزىندە قازاندىق 20 جەلتوقساندا دايىن بولادى.

"№ 9, 10 قازاندىقتاردى جوندەۋ جۇمىستارى 50 پايىزعا اياقتالدى. جوسپار بويىنشا 30 قاراشادا ءبىتۋى كەرەك ەدى. ءىس جۇزىندە 2024 جىلدىڭ 30 ناۋرىزىندا بىتەدى دەپ جوسپارلانىپ وتىر" دەلىنگەن حابارلامادا.

سۋىق تۇسكەننەن كەيىن قازاقستاننىڭ كەمىندە جەتى ايماعىندا جىلۋ ەلەكتر ورتالىقتارىندا (جەو) اپات بولىپ، مىڭداعان ادام جىلۋسىز قالدى. اتىراۋدا ءبىر تاۋلىك سۋ بەرىلمەدى. ەنەرگەتيكا مينيسترلىگى ەكىباستۇز، اقتاۋ، كوكشەتاۋ جانە تەمىرتاۋ قالالارىنىڭ جىلۋ بەرۋ جۇيەلەرىندە پروبلەمالار بار ەكەنىن راستاپ، ماسەلە شەشىلىپ جاتقانىن مالىمدەگەن. جەرگىلىكتى تۇرعىندار جىلۋ بەرىلمەي جاتقانىن، تاستاي سۋىق ۇيلەردە تۇرىپ جاتقانىن ايتقان.

Abai.kz