رەسەي قازاقستاندا 3 جەو سالاتىن بولدى
اشىق نورماتيۆتىك-قۇقىقتىق اكتىلەر پورتالىندا قازاقستان مەن رەسەي ۇكىمەتى اراسىنداعى كوكشەتاۋ، سەمەي جانە وسكەمەن قالالارىندا كومىر جىلۋ ەلەكتر ورتالىقتارىن سالۋ جوبالارى تۋرالى كەلىسىم جوباسى جاريا تالقىعا شىعارىلدى.
قۇجاتتا ەنەرگەتيكا ءمينيسترى الماسادام ساتقاليەۆكە قازاقستان ۇكىمەتى اتىنان قوس ەلدىڭ ۇكىمەتى اراسىنداعى قاعيدالىق سيپاتى جوق وزگەرىستەر مەن تولىقتىرۋلار ەنگىزۋگە رۇقسات بەرە وتىرىپ، قازاقستان اۋماعىنداعى كوكشەتاۋ، سەمەي جانە وسكەمەن قالالارىندا كومىر جىلۋ ەلەكتر ورتالىقتارىن سالۋ جوبالارى بويىنشا كەلىسىمگە قول قويۋعا وكىلەتتىك بەرىلەتىنى ايتىلادى.
جوبالاردى ىسكە اسىرۋعا قازاقستان تاراپىنان تاپسىرىس بەرۋشىنىڭ فۋنكتسيالارىن جۇزەگە اسىراتىن — «سامۇرىق-ەنەرگو» اكتسيونەرلىك قوعامى، ال رەسەي تاراپىنان باس مەردىگەردىڭ فۋنكتسيالارىن جۇزەگە اسىراتىن — «ينتەر راو» كومپانيالار توبىنا كىرەتىن جانە ءوزىنىڭ قوسالقى مەردىگەرى رەتىندە ءتيىستى ۇيىمداردى تارتۋعا قۇقىلى «ينتەر راو — ەكسپورت» جشس جاۋاپتى.
جوبالاردى ىسكە اسىرۋ ماقساتىندا «ينتەر راو — ەكسپورت» جشس كەلىسىمشارتتار بويىنشا مەردىگەردىڭ فۋنكتسيالارىن ورىنداۋ ءۇشىن مامانداندىرىلعان جوبالاۋ كومپانياسىن قۇرۋعا قۇقىلى.
ال «سامۇرىق-ەنەرگو» اكتسيونەرلىك قوعامى كەلىسىمشارتتار بويىنشا تاپسىرىس بەرۋشىنىڭ فۋنكتسيالارىن ورىنداۋ ءۇشىن «سامۇرىق-ەنەرگو» اكتسيونەرلىك قوعامىنا قاتىستى ۇلەستەس كومپانيا بولىپ تابىلاتىن مامانداندىرىلعان جوبالاۋ كومپانياسىن قۇرۋعا قۇقىعى بار.
فوتو: اشىق دەرەككوزدەن
Abai.kz
