اقش-تىڭ مەملەكەتتىك حاتشىسى قىزمەتىنەن كەتىپ بارا جاتىپ حيللاري كلينتون حانىمنىڭ بىلاي دەگەنى بار «الداعى ۋاقىتتا امەريكا «كەدەندىك وداق نەمەسە ەۋرازيالىق وداق» دەگەن اتپەن قۇرىلاتىن كەڭەس وداعىنىڭ كەز-كەلگەن جاڭا نۇسقاسىنىڭ ومىرگە كەلۋىنە بارىنشا كەدەرگى جاسايدى. بۇل ءۇشىن رەسەي بيلىگى ەكونوميكالىق ينتەگراتسيانى العا تارتاتىن بولادى. بىراق ءبىز ونىڭ قانداي ماقساتتى كوزدەيتىنىن بىلەمىز جانە  بۇل پروتسەستى باياۋلاتاتىن نە مۇلدەم بولدىرماي تاستايتىن ارەكەتتەردى كەشىكتىرمەي قولعا الامىز». اقش ۇكىمەتىنىڭ ەۋرازيالىق وداق جوباسىنا نەلىكتەن قارسى بولىپ وتىرعانىن ءتۇسىنۋ قيىن ەمەس. ولار ەۋرازيادا حالىقارالىق ىستەرگە ىقپال ەتە الاتىن، اسكەري-ەكونوميكالىق قۋاتى مەن سالماعى جاعىنان كەڭەس وداعىنا كەلىڭكىرەيتىن تاعى ءبىر جاڭا كۇشتىڭ پايدا بولاتىنىنان قاۋىپتەنەدى. كەڭەس وداعى كەلمەسكە كەتكەنىمەن ونىڭ گەوساياسي قارسىلاسى بولعان امەريكا ءالى ۇرەيدەن ارىلعان جوق. بۇعان سەبەپ،  كوممۋنيستىك  رەجيمدى ساعىنىشپەن ەسكە الاتىن، جاتپاي-تۇرماي سول ءداۋىردى  اڭسايتىن ازاماتتار قازىرگى تمد اۋماعىندا وتە كوپ. ماسەلەن، ءوزىن قىزىل يمپەريانىڭ بىردەن ءبىر مۇراگەرى سانايتىن رەسەيدە جۇرگىزىلگەن ساۋالناماعا قاتىسقانداردىڭ جەتپىس پايىزعا جۋىعى كەڭەس وداعىنىڭ قۇلاۋىن وتكەن عاسىرداعى ەڭ ۇلكەن قاتەلىك ساناپتى. ال پۋتين بۇل وداقتىڭ قۇلاۋىن "حح  عاسىرداعى ەڭ ۇلكەن گەوسياسي اپات" دەپ باعالاعانىن بىلەمىز. دەگەنمەن ءبىز ونى بولاشاق وداقتىڭ العىشارتى دەگىمىز كەلىپ وتىرعان جوق.

اقش-تىڭ مەملەكەتتىك حاتشىسى قىزمەتىنەن كەتىپ بارا جاتىپ حيللاري كلينتون حانىمنىڭ بىلاي دەگەنى بار «الداعى ۋاقىتتا امەريكا «كەدەندىك وداق نەمەسە ەۋرازيالىق وداق» دەگەن اتپەن قۇرىلاتىن كەڭەس وداعىنىڭ كەز-كەلگەن جاڭا نۇسقاسىنىڭ ومىرگە كەلۋىنە بارىنشا كەدەرگى جاسايدى. بۇل ءۇشىن رەسەي بيلىگى ەكونوميكالىق ينتەگراتسيانى العا تارتاتىن بولادى. بىراق ءبىز ونىڭ قانداي ماقساتتى كوزدەيتىنىن بىلەمىز جانە  بۇل پروتسەستى باياۋلاتاتىن نە مۇلدەم بولدىرماي تاستايتىن ارەكەتتەردى كەشىكتىرمەي قولعا الامىز». اقش ۇكىمەتىنىڭ ەۋرازيالىق وداق جوباسىنا نەلىكتەن قارسى بولىپ وتىرعانىن ءتۇسىنۋ قيىن ەمەس. ولار ەۋرازيادا حالىقارالىق ىستەرگە ىقپال ەتە الاتىن، اسكەري-ەكونوميكالىق قۋاتى مەن سالماعى جاعىنان كەڭەس وداعىنا كەلىڭكىرەيتىن تاعى ءبىر جاڭا كۇشتىڭ پايدا بولاتىنىنان قاۋىپتەنەدى. كەڭەس وداعى كەلمەسكە كەتكەنىمەن ونىڭ گەوساياسي قارسىلاسى بولعان امەريكا ءالى ۇرەيدەن ارىلعان جوق. بۇعان سەبەپ،  كوممۋنيستىك  رەجيمدى ساعىنىشپەن ەسكە الاتىن، جاتپاي-تۇرماي سول ءداۋىردى  اڭسايتىن ازاماتتار قازىرگى تمد اۋماعىندا وتە كوپ. ماسەلەن، ءوزىن قىزىل يمپەريانىڭ بىردەن ءبىر مۇراگەرى سانايتىن رەسەيدە جۇرگىزىلگەن ساۋالناماعا قاتىسقانداردىڭ جەتپىس پايىزعا جۋىعى كەڭەس وداعىنىڭ قۇلاۋىن وتكەن عاسىرداعى ەڭ ۇلكەن قاتەلىك ساناپتى. ال پۋتين بۇل وداقتىڭ قۇلاۋىن "حح  عاسىرداعى ەڭ ۇلكەن گەوسياسي اپات" دەپ باعالاعانىن بىلەمىز. دەگەنمەن ءبىز ونى بولاشاق وداقتىڭ العىشارتى دەگىمىز كەلىپ وتىرعان جوق. كوپ ادامدار ءپۋتيننىڭ باستاماسىن اۋەلدە وسىلاي قابىلداعان. بىراق قۇلاعان يمپەريانى قايتا قۇرۋ ەندى رەسەيدىڭ ەشقاشان قولىنان كەلمەيدى. وسىنى اركىم ءتۇسىنۋى ءتيىس. وعان ءدال قازىر رەسەيدىڭ شاما-شارقى دا، ەكونوميكالىق الەۋەتى دە مۇمكىندىك بەرمەيدى. ورىستاردىڭ اياق الىسىن اڭدىعان امەريكالىقتاردا ۋاقىتشا وسىنداي قورىتىندىعا كەلگەن سياقتى. الايدا، ولار بولاشاقتا تاعى نە ويلاپ تابار دەگەن ويمەن ءپۋتيننىڭ ءار قادامىن اڭدىپ وتىر. قايتكەنمەن «ءۇش رەت كەسسەدە جىلاننىڭ كەسىرتكەلىك كۇشى قالادى»...

جولىمبەت ماكىشەۆ

Abai.kz