قازاق قاي كەزدە بولماسىن ونەر ادامىن توبەگە كوتەرگەنىن تاريحتان بىلەمىز. بىراق ول ونەر ادامى ءوز ۇلتىنان شىققان جامپوزدار بولاتىندى. ورىستىق قىزىل يمپەريا بىزگە باتىستىڭ توزىق ونەرىن سىيعا تارتتى. بۇرىن قازاقي سال-سەرىلەردى حوش كورەتىن قازاق بويجەتكەندەرى زامانا ىڭعايىنا ساي ورىستىق ءھام باتىستىق پوپ مادەنيەتتىڭ جەتەگىنە كەتە باستادى.

تاپ وسى ورىستىق ءھام باتىستىق پوپ مادەنيەتتىڭ جەتەگىنە كەتۋشىلىككە قازاق سازگەرلەرى توسقاۋىل قويعانىمەن، ءبارىبىر ورىستانعان ءھام ءوز مادەنيەتىنەن جەرىگەن قارا كوز قىزدارىمىز ورىستى شەتكە ىسىرىپ، ەندى اعىلشىن مادەنيەتىنىڭ بايراعىن كوتەرەتىن فانتگۇلدەرگە اينالا باستادى.

ءبىزدىڭ فاناتگۇلدەردىڭ اقشاسىن سۋداي شاشاتىنىن بىلگەن باتىستىق جۇلدىزدار وا قارا ورىستانعان ەلىنە اتباسىن تىرەۋدى داعدىعا اينالدىردى. بۇل جولى ءبىزدىڭ جىنىككەن بويجەتكەندەردى وزىنە ماگنيتتەي تارتقان رەپەر Akon الەمدىك حيتكە اينالعان Smack That ءانىن ايتقاندا بۇت كيىمدەرىن ساحاناعا لاقتىرىپ، ەلدى ءبىر دۇرلىكتىردى.

ءاپ-ساتتە «تۇرسىيلار پاتشاسى» اتانعان رەپەر Akon-نىڭ قانداي كۇيدە بولعانىن بىلمەيمىز. بىراق ورىس ءتىلدى قازاق قىزدارى ۇلتىمىزدىڭ بەتىنە كۇيە جاعىپ «بوراتستان» اتاندىرعانى جانعا باتادى.

Abai.kz