رەسەي قازاقستان قوعامىنىڭ قارسىلىعىنا، ۇكىمەتتىڭ كەلىسىمىنە قاراماستان 30-نشى قىركۇيەك كۇنى كەزەكتى رەت «بايقوڭىردان» زىمىران ۇشىردى. بۇل – جازداعى اپاتتان كەيىن ۇشىرىلعان العاشقى زىمىران.

ۇكىمەتتە ءۇن جوق. بيلىك بۇعىپ قالدى ەكەن دەپ، قوعامدىق كۇشتەر مەن ازاماتتىق قوعامنىڭ بەلسەندىلەرى ارەكەتسىز وتىرعان جوق. مۇحتار تايجان، ايدوس سارىم، ءامىرجان قوسانوۆ، قاسىم امانجولۇلى سىندى ازاماتتار باستاپ، «حالىقتىق اليانس» كواليتسياسىنىڭ اتىنان بۇۇ-نىڭ باس حاتشىسى پان گي مۋننىڭ اتىنا حات جازىپ، ونى بۇۇ-نىڭ الماتىداعى وكىلدىگىنە اپارىپ تاپسىردى. حات تاپسىرعان كەزدە سول جەرگە جينالعان ازاماتتار حاتتا ايتىلعان ەكولوگيالىق ماسەلەلەرگە قاتىستى سوزدەر جازىلعان ۇرانقاعازدار ۇستاپ تۇرعان. بۇل ارەكەتتى جەرگىلىكتى بيلىك پەن زاڭ ورىندارى رۇقساتسىز اكتسيا وتكىزدى دەپ ەسەپتەپ، مۇحتار تايجان مەن ەرمەك نارىمباەۆتى اكىمشىلىك جاۋاپكەرشىلىككە تارتىپ، ەكەۋىن دە كىنالى دەپ تاۋىپ، 50 اەك كولەمىندە ايىپپۇل سالدى. مۇحتار تايجاننىڭ سوتى بىرنەشە كۇنگە شەگەرىلىپ، بۇگىن ءوتتى. ال، ءوزىمىز كۋا بولعان نارىمباەۆتىڭ سوتىندا كۋالىك ەتكەن پوليتسيا قىزمەتكەرىنىڭ ارەكەتى – زاڭ ورىندارى قىزمەتىنىڭ كوتەرەم حالدە ەكەنىن سوتقا جينالعانداردىڭ الدىندا تاعى دا ءبىر رەت ايعاقتادى.

رەسەي قازاقستان قوعامىنىڭ قارسىلىعىنا، ۇكىمەتتىڭ كەلىسىمىنە قاراماستان 30-نشى قىركۇيەك كۇنى كەزەكتى رەت «بايقوڭىردان» زىمىران ۇشىردى. بۇل – جازداعى اپاتتان كەيىن ۇشىرىلعان العاشقى زىمىران.

ۇكىمەتتە ءۇن جوق. بيلىك بۇعىپ قالدى ەكەن دەپ، قوعامدىق كۇشتەر مەن ازاماتتىق قوعامنىڭ بەلسەندىلەرى ارەكەتسىز وتىرعان جوق. مۇحتار تايجان، ايدوس سارىم، ءامىرجان قوسانوۆ، قاسىم امانجولۇلى سىندى ازاماتتار باستاپ، «حالىقتىق اليانس» كواليتسياسىنىڭ اتىنان بۇۇ-نىڭ باس حاتشىسى پان گي مۋننىڭ اتىنا حات جازىپ، ونى بۇۇ-نىڭ الماتىداعى وكىلدىگىنە اپارىپ تاپسىردى. حات تاپسىرعان كەزدە سول جەرگە جينالعان ازاماتتار حاتتا ايتىلعان ەكولوگيالىق ماسەلەلەرگە قاتىستى سوزدەر جازىلعان ۇرانقاعازدار ۇستاپ تۇرعان. بۇل ارەكەتتى جەرگىلىكتى بيلىك پەن زاڭ ورىندارى رۇقساتسىز اكتسيا وتكىزدى دەپ ەسەپتەپ، مۇحتار تايجان مەن ەرمەك نارىمباەۆتى اكىمشىلىك جاۋاپكەرشىلىككە تارتىپ، ەكەۋىن دە كىنالى دەپ تاۋىپ، 50 اەك كولەمىندە ايىپپۇل سالدى. مۇحتار تايجاننىڭ سوتى بىرنەشە كۇنگە شەگەرىلىپ، بۇگىن ءوتتى. ال، ءوزىمىز كۋا بولعان نارىمباەۆتىڭ سوتىندا كۋالىك ەتكەن پوليتسيا قىزمەتكەرىنىڭ ارەكەتى – زاڭ ورىندارى قىزمەتىنىڭ كوتەرەم حالدە ەكەنىن سوتقا جينالعانداردىڭ الدىندا تاعى دا ءبىر رەت ايعاقتادى.

جالپى، قازاقستان رەسەي اراسىنداعى ساياسي ماسەلەلەرگە قاتىستى قارسىلىقتار كۇن ساناپ ءوسىپ كەلەدى. الايدا، قوعامنىڭ قارسىلىعىنا قاراماستان قازاقستان بيلىگى رەسەيمەن بايلانىس ماسەلەسىن تەرەڭدەتىپ وتىر. بۇل ءوز كەزەگىندە حالىقتىڭ كوكەيىنە ۇرەي ۇيالاتۋدا.

بۇۇ-نىڭ باس حاتشىسى پان گي مۋنعا

بۇۇ جانە وزگەدە حالىقارالىق ۇيىمدار ادام قۇقىقتارى نەگىزىندە ادامنىڭ جاقسى ءومىر ءسۇرۋى مەن دەنىنىڭ ساۋ بولۋى ماقساتىندا ەكولوگيالىق ماسەلەلەردى كەشەندى تۇردە شەشۋ جولدارىن قاراستىرۋدى ۇنەمى باستى نازاردا ۇستاپ كەلەدى. ەكولوگيالىق ماسەلە – قازاقستانعا دا قاتىستى.

قورشاعان ورتانى قورعاۋ قر-نىڭ ءار ازاماتىنىڭ پارىزى ەكەنىن ەسكەرىپ جانە ورحۋس كونۆەنتسياسىنداعى قوعامنىڭ ەكولوگيالىق قۇقىعى، قوعام مۇشەلەرىنىڭ ماڭىزدى ەكولوگيالىق شەشىمدەر قابىلداۋعا قاتىسۋى تۋرالى نەگىزگى انىقتامالاردى نازارعا الا وتىرىپ، ءسىزدى قازاقستاندا  «حالىقتىق اليانس» ازاماتتىق كواوليتسياسى قۇرىلعاندىعىنان حاباردار ەتىپ،  جانە ونىڭ قوعامدىق، ەكولوگيالىق وزەكتى ماسەلەردى شەشۋ ءۇشىن تومەندەگىدەي سۇراقتارى بار ەكەندىگىن مالىمدەيدى:

1. قر مەن رف اراسىنداعى «بايقوڭىر» عارىش ايلاعىنا قاتىستى كەلىسىم شارتتا قايتا قاراۋ جانە جانە عارىش كەمەسىنە گەپتيل وتىنىن پايدالانۋعا تىيىم سالۋ.
2. قازاقستان تەرريتورياسىنداعى رەسەي فەدەراتسياسىنىڭ بارلىق اسكەري پوليگوندارىن جابۋ.
3. قازاقستان تەرريتورياسىندا اەس سالۋعا تىيىم سالۋ.
4. يادرولىق وتىن بانكىن قازاقستاندا ساقتاۋدان باس تارتۋ.

قازىرگى ۋاقىتتا «حالىقتىق اسليانس» ەل بولاشاعىنا بەي-جاي قارامايتىن ازاماتتاردان قر ۇكىمەتىنە مەن پارلامەنتىنىڭ اتىنا قول جيناپ جاتىر.

جوعارىدا كەلتىرىلگەن جايتتارعا وراي، بارشاعا ورتاق ادام قۇقىقتارى نەگىزىندە ادامنىڭ جاقسى تۇرمىس كەشىپ، دەنىنىڭ ساۋ، اۋاسى تازا قورشاعان ورتادا ومىرۋگە قاقىلى ەكەنىن ەسكەرىپ، قازاقستاننىڭ حالىقارالىق مىندەتتەمەلەرىنە سايكەس، قازاقستان بيلىگىنە ۇلتتىق زاڭ جوباسى مەن حالىقارالىق كەلىسىمدەردى جاساۋ كەرەكتىگى تۋرالى كەڭەس بەرۋ قاجەت دەپ سانايمىز.

كەيىنگى كەزدە بۇۇ سيريادا حيميالىق قارۋ قولدانىلعانى جونىندە زەرتتەۋ جۇرگىزىپ جاتىر. دسۇ-نىڭ كۇشىمەن قازاقستانداعى «كاپۋستين يار»، «ازعىر»، «تايسويعان»، «بايقوڭىر»، «ەمبى»، «سارىشاعان»، «سارىوزەك» سياقتى رەسەي پوليگوندارىندا يادرولىق جانە حيميالىق قارۋ قولدانىسىنا قاتىستى زەرتتەۋ جۇرگىزۋدى سۇرايمىز!

«حالىقتىق اليانس» مۇشەلەرى:

مۇحتار تايجان

ايدوس سارىم

ءامىرجان قوسانوۆ

قاسىم امانجولۇلى

Abai.kz