استانا قالاسىندا اپاتتى ۇيلەردەن 4 710 ادامدى كوشىرۋ جوسپارلانىپ وتىرعانىن ايتتى، دەپ حابارلايدى Abai.kz.

«قۇرىلىس سالاسى ەلوردا ەكونوميكاسىنىڭ نەگىزگى درايۆەرى بولىپ قالا بەرەدى. قازىرگى ۋاقىتتا 3,4 ملن شارشى مەتر تۇرعىن ءۇي پايدالانۋعا بەرىلدى. بيىل جەڭىلدەتىلگەن مەملەكەتتىك باعدارلامالار بويىنشا ازاماتتاردىڭ ءارتۇرلى ساناتتارى ءۇشىن 5200 پاتەر بەرۋ تۋرالى مىندەت قويدىق»، - دەدى ەلوردا باسشىسى.

جوسپارلانىپ وتىرعان پاتەرگە يە بولۋشىلاردىڭ قاتارىندا جەتىم بالالار، كوپبالالى انالار، الەۋمەتتىك وسال ازاماتتار مەن جۇمىس ىستەيتىن جاستارعا باسا نازار اۋدارىلعانى انىقتالدى.

«قازىر قۇجاتتاردى راسىمدەۋ بويىنشا ءتيىستى جۇمىستار ءجۇرىپ جاتىر. كەلەسى جىلدىڭ باسىندا – قاڭتار ايىندا كەزەكتە تۇرعاندار ءوز ۇيلەرىنە كىرەدى. سونىمەن بىرگە استانادا رەنوۆاتسيا باعدارلاماسى بەكىتىلدى. 2029 جىلعا دەيىن 206 اپاتتى ۇيدەن 4 710 تۇرعىندى كوشىرۋ جوسپارلانعان. بۇل جۇمىس باستالىپ كەتتى. بيىل 400 پاتەر وسىنداي ازاماتتارعا بەرىلسە، كەلەسى جىلى – تاعى 700 پاتەر. ءارى قاراي جىلىنا 1 مىڭ پاتەردەن بەرىلەدى دەپ جوسپارلاپ وتىرمىز»، - دەدى جەڭىس قاسىمبەك.

ەستەرىڭىزگە سالا كەتەيىك، جەڭىس قاسىمبەك استانا قالاسىنىڭ الەۋمەتتىك-ەكونوميكالىق دامۋى تۋرالى قورىتىندى ەسەپ بەرىپ جاتىر.

فوتو: عالامتوردان

Abai.kz