پريلەپين قوعامدىق ءىس-شارالاردىڭ بىرىندە وزبەكستان ايماقتارىن رەسەيگە قوسىپ الۋدى ۇسىنعان.

"كەزدەسۋدە ەلشىگە ويبانباستان ايتىلعان مالىمدەمەلەر وزبەكستان مەن رەسەيدىڭ تاريحي جوستىق كەلىسىمىنە كەسىرىن تيگىزۋى مۇمكىن ەكەنى جەتكىزىلدى. ءوز كەزەگىندە مالگينوۆ رەسەي وزبەكستاننىڭ ەگەمەندىگى جانە ايماقتىق بۇتىندىگىنە ەشقاشان كۇمان تۋعىزباعانىن ايتتى", - دەپ جازىلعان وزبەك ءسىم-ءنىڭ رەسمي مالىمدەمەسىندە.

ءبىر كۇن بۇرىن زاحار پريلەپين رەسەيدەگى ميگرانتتار ماسەلەسىن ەلگە جاڭا ايماقتاردى قوسىپ الۋ ارقىلى شەشسە بولاتىنىن جەتكىزگەن. "بىزگە گاستاربايتەرلەر كەلىپ جاتقان ايماقتاردى قوسىپ الىپ، ادامداردى سول جەرلەردە، مىسالى وزبەكستاندا وقىتۋ كەرەك دەپ ەسەپتەيمىن", - دەگەن پريلەپين.

ول سونىمەن بىرگە ۋكرايناداعى سوعىستا ىقتيمال جەڭىسكە جەتكەننەن كەيىن رەسەيگە بۇرىنعى سسسر ايماقتارىن تالاپ ەتۋگە ەشكىم تىيىم سالا الماينىن ايتتى.

"مەن قالجىڭداپ تۇرعان جوقپىن. ءبىز بۇل تاقىرىپتى كوتەرەمىز. ءوز كەزەگىندە بۇل بىزگە قالاعان ۋاقىتتا ء"بىزدىڭ ەكى ميلليون ازاماتىمىز سىزدەردىڭ ايماقتا جۇرگەندىكتەن، ءبىز بۇل ايماقتى تالاپ ەتسەك بولادى" دەپ ايتا الامىز", – دەگەن پريلەپين.

زاحار پريلەپين — ەۋروپا وداعىنىڭ سانكتسيا تىزىمىندەگى ادامداردىڭ ءبىرى. ول كەزىندە جىكشىلدەر "دونەتسك حالىق رەسپۋبليكاسى" دەپ اتالعان ايماقتاعى كومانديرلەردىڭ ءبىرى بولعان.

فوتو: عالامتوردان

Abai.kz