بىلتىر بۇل جۇقپالى اۋرۋ بويىنشا سىرقاتتانۋشىلىق تىركەلمەگەن،دەپ حابارلايدى Pavlodarnews.kz.

بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى باتىربەك اليەۆ ءمالىم ەتتى.

«بيىل وبلىستا كوكجوتەل جۇقتىرۋدىڭ 30 دەرەگى تىركەلدى. اۋرۋ جۇقتىرعاندار ىشىنەن 28-ءى ەكپە الماعان بولىپ شىقتى. 2022 جىلى بىردە-ءبىر ناۋقاس بولماعان. اۋرۋدىڭ كۇرت كوبەيىپ كەتۋى ەكپەدەن باس تارتۋمەن بايلانىستى بولىپ وتىر. بالانى كوكجوتەلدەن تەك ەكپە ارقىلى قورعاۋعا بولادى»، – دەدى باتىربەك اليەۆ

كوكجوتەلگە قارسى رەسەيلىك جاسۋشاسىز ۆاكتسيناسى پايدالانىلادى. ۇلتتىق ۆاكتسيناتسيا كۇنتىزبەسىنە سايكەس ەكى ايلىق جاستان باستاپ بارلىق بالالارعا كوكجوتەلگە قارسى ەگىلەدى. رەۆاكتسيناتسيالاۋ التى جاستا جۇرگىزىلەدى.

فوتو: عالامتوردان

Abai.kz