«الماتىەلەكتروترانس» كومپانياسىنىڭ بۇرىنعى باسشىسى بەرىكحان مىرزاكارىموۆكە ىزدەۋ سالىندى. بۇل تۋرالى قۇقىقتىق ستاتيستيكا جانە ارنايى ەسەپكە الۋ ورگاندارى پورتالىندا  جاريالاندى.

اقپاراتقا سايكەس، مىرزاكارىموۆ بەرىكحان قابيۇلىنا قارجى مونيتورينگى اگەنتتىگىنىڭ الماتى قالاسى بويىنشا ەكونوميكالىق تەرگەۋ دەپارتامەنتىنىڭ ىزدەۋ جاريالاعانىنا  8 كۇن بولعان.

بۇعان دەيىن Telegram-ارنالاردىڭ بىرىندە الماتى قالاسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى قر قك 189-بابى بويىنشا «الماتىەلەكتروترانس» جشس بۇرىنعى باس ديرەكتورى بەرىكحان مىرزاقارىموۆكە (سەنىپ تاپسىرىلعان بوتەن مۇلىكتى يەمدەنۋ نەمەسە ىسىراپ ەتۋ) قىلمىستىق ءىس قوزعاعانى تۋرالى حابارلانعان ەدى.

ايتا كەتەيىك، بەرىكحان مىرزاكارىموۆ 2021 جىلدىڭ اقپان ايىندا «الماتىەلەكتروترانس» جشس-عا باسشى بولىپ كەلگەن بولاتىن.

فوتو: اشىق دەرەككوزدەن

Abai.kz