جاڭا جىل قارساڭىندا الماتىنىڭ تۇرعىندارى مەن قوناقتارى ءۇشىن جيىرمادان استام مۇز ايدىنى اشىلعان بولاتىن. قازىرگى تاڭدا ونىڭ ون ەكىسى تەگىن جۇمىس ىستەپ تۇر. 

الماتى قالاسى اكىمدىگىنىڭ مالىمەتىنشە، الماتىدا كەلەسى مەكەنجايلار بويىنشا سەگىز مۇز ايدىنى جۇمىس ىستەيدى:

رەسپۋبليكا سارايىنىڭ الدىنداعى اباي الاڭىندا;

28 پانفيلوۆشىلار ساياباعى;

تۇڭعىش پرەزيدەنت ساياباعى;

ورتالىق ستاديون;

م. اۋەزوۆ اتىنداعى تەاتر;

ن. ساتس اتىنداعى تەاتر;

"گۇلدەر" ساياباعى;

№6 وقۋشىلار ءۇيى.

قالعان مۇز ايدىندارى اۋا رايىنىڭ جىلىلىعىنا قاراي ىسكە قوسۋدى مۇزدار دايىن بولعاندا جوسپارلاماق:

شۋحوۆ كوشەسىندەگى ساياباق;

"اۆياتور" ستاديونى;

ناۋرىزباي اۋدانى اكىمدىگىنىڭ اۋماعىندا;

اباي اتىنداعى قازاق ۇلتتىق وپەرا جانە بالەت تەاترى.

مۇز ايدىندارىنا كىرۋ – تەگىن.

ءوزىڭىزدىڭ جەكە كونكيىڭىز بولماعان جاعدايدا جالعا بەرۋ پۋنكتتەرى جۇمىس ىستەيدى. ەكى ساعاتتىق جالعا الۋ قۇنى – 1000 تەڭگە. كونكيمەن سىرعاناۋ – تولىعىمەن تەگىن.

جالعا بەرۋ پۋنكتتەرىنىڭ جۇمىس كۇندەرى تاڭعى ساعات 10:00-دەن 22:00-گە دەيىن جانە دەمالىس كۇندەرى 10:00-دەن 23:00-گە دەيىن جۇمىس ىستەيدى. مۇز ايدىندارىنىڭ ءوزى تاۋلىك بويى جۇمىس ىستەيدى.

ەسكە سالامىز، قالادا كەلەسى مەكەنجايلار بويىنشا 9 جەكە اقىلى اشىق مۇز ايدىنى جۇمىس ىستەيدى:

"الماتى ارەنا" مۇز سارايى اۋماعىندا;

"MEGA Park" سوو اۋماعىندا;

جاندوسوۆ كوشەسى-ىكىلاس كوشەسىنىڭ قيىلىسىندا;

"ەسەنتاي مول" سوو اۋماعىندا;

Villa dei Fiori اۋماعىندا;

"حالىق ارەنا" مۇز سارايى;

"ارمان" كينوتەاترى;

"Alem park" وتباسىلىق دەمالىس ساياباعىنىڭ الدىندا;

Aport Mall سوو اۋماعىندا.

Abai.kz