الماتى قالاسى مەملەكەتتىك كىرىستەر دەپارتامەنتىنىڭ وكىلى تاكسي جۇرزىشىلەرىنىڭ تەك قولما-قول تولەم جاساۋدى تالاپ ەتۋىنە قاتىستى cۇراققا جاۋاپ بەردى. 

جىلدىڭ باسىنان باستاپ قولما قول اقشا ىزدەپ الەك بولعانداردىڭ سانى ارتۋدا. تىپتەن ەندى تاكسي جۇرگىزۋشىلەرى دە ونلاين تولەمنەن باس تارتىپ، قولما قول اقشا تالاپ ەتۋدە. ال بۇل ارەكەتتەر زاڭ جۇزىندە نەگىزسىز بولىپ تابىلادى.

تۇرعىنداردىڭ ساۋالىنا:

"ەگەر ازامات تاكسي قىزمەتىن كورسەتەتىن بولسا، سايكەسىنشە ول جەكە كاسىپكەر رەتىندە تىركەلۋى كەرەك. تاكسي اگرەگاتورلارى ارقىلى، ارنايى قوسىمشالار ارقىلى تىركەلە الادى. ارقايسىسىنىڭ وزىندىك پايىزدارى بار. جەكە كاسىپكەر رەتىندە e-Salyq Business نەمەسە ياندەكس تاكسيدە تىركەلىپ، باسقا الەۋمەتتىك تولەمدەرمەن بىرگە اي سايىن ءبىر پايىز تولەي الادى. ەندى سالىق مىندەتتەمەلەرىن ورىنداۋ جەڭىلدەتىلدى. سونىمەن قاتار تولەم قابىلداۋ ءۇشىن QR كودتارىن ورنالاستىرۋ دا ەش قيىندىق تۋدىرمايدى", – دەپ جاۋاپ بەردى الماتى قالاسى بويىنشا مەملەكەتتىك كىرىستەر دەپارتامەنتىنىڭ اقپاراتتىق-ءتۇسىندىرۋ ءبولىمى جانە بايلانىس ورتالىعىنىڭ باسشىسى ايجان بەكەەۆا.

فوتو: عالامتوردان

Abai.kz