الماتى پروكۋراتۋراسى "قازمۇنايگاز" جاڭا ينۆەستيتسيالىق باعدارلاماسى تۋرالى جالعان جارناماعا" قاتىستى پىكىر ءبىلدىردى، - دەپ حابارلايدى Tengrinews.kz.

الماتى مەدەۋ اۋدانىنىڭ پروكۋراتۋراسى الەۋمەتتىك جەلىلەردە "قازمۇنايگاز" ۇلتتىق كومپانياسى" اق-نىڭ ينۆەستيتسيالىق باعدارلاماسى تۋرالى جالعان جارنامانى انىقتاعان.

"بەينەجازبادا ازاماتتارعا ىسكە قوسىلعان جاڭا مەملەكەتتىك "قازمۇنايگاز" پلاتفورماسىنا قارجى سالىپ، 100 مىڭ تەڭگەدەن ديۆيدەند الۋدى ۇسىنادى. "قازمۇنايگاز" ۇلتتىق كومپانياسى" اق-نىڭ مالىمەتىنە سايكەس تاراتىلعان اقپارات شىندىققا جاناسپايدى.

وسىعان بايلانىستى پروكۋراتۋرا ازاماتتاردان تاعى دا قىراعى بولۋدى جانە جاسىرىنعان قارجى پيراميداسى بولۋى مۇمكىن ءتۇرلى ويدان شىعارىلعان جارنامالارعا بوي الدىرماۋدى سۇرايدى", - دەلىنگەن حابارلامادا.

Abai.kz