ماڭعىستاۋ وبلىسىندا قىزىلشانىڭ 384 جاعدايى تىركەلگەن، بۇل رەسپۋبليكا بويىنشا ورتاشا كورسەتكىشتەن 2,5 پايىزعا جوعارى.

ماڭعىستاۋ وبلىستىق دەنساۋلىق ساقتاۋ باسقارماسىنىڭ باسشىسى امانبەك جۇمىروۆ وڭىردە قىزىلشانى جۇقتىرعانداردىڭ 281-ءى امبۋلاتوريالىق ەمدەلىپ جاتقانىن اتادى. ال 103 ادام اۋرۋحاناعا جاتقىزىلعان.

قازىرگى ۋاقىتتا اۋرۋحانادا ءۇش جۇكتى ايەل جانە 64 بالا، ونىڭ ىشىندە ءبىر جاسقا تولماعان 22 بالا بارى بەلگىلى بولدى. ونىڭ ىشىندە ءتورت بالا رەانيماتسيادا جاتىر.

«2023 جىلعى ستاتيستيكاعا سايكەس، وبلىس اۋداندارىندا قىزىلشا جۇقتىرۋ سانى ءار ءتۇرلى بولىپ وتىر. مىسالى، اقتاۋدا 1034, جاڭاوزەندە — 1369 جاعداي تىركەلدى. مۇنايلى اۋدانىندا بۇل كورسەتكىش 1191 ادامدى قۇرادى. الايدا، باسقا اۋدانداردا جاعداي قالىپتى ەكەنى بايقالدى. ماسەلەن، تۇپقاراعان قالاسىندا — 192, قاراقيادا — 552, ماڭعىستاۋ اۋدانىندا — 184, بەينەۋ اۋدانىندا — 66 جاعداي انىقتالدى»، — دەدى امانبەك جۇمىروۆ.

فوتو: GOV.kz

Abai.kz