سەنبى, 5 ءساۋىر 2025
1875 0 پىكىر 12 قاڭتار, 2024 ساعات 14:42

مامان: «15 قاڭتار كۇنى الماتىدا جەر سىلىكىنىسى بولادى دەگەن اقپارات - جالعان»

الداعى اپتادا الماتىنىڭ سەيسميكالىق بەلسەندى ايماعىندا كۇشتى جەر سىلكىنىسى كۇتىلمەيدى. بۇل تۋرالى قر تجم سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعى ديرەكتورىنىڭ ورىنباسارى نۇرسارسەن وزبەكوۆ. 

ونىڭ ايتۋىنشا، سەيسمولوگيا ينستيتۋتى اپتا سايىن بولجامنىڭ بىرنەشە ءتۇرىن جاساپ، ايماقتاعى سەيسميكالىق جاعدايعا باعا بەرەدى.

10 قاڭتاردا بولجامدىق كوميسسيا كۇردەلى سەيسمولوگيالىق ماتەريالدارعا سۇيەنە وتىرىپ، 10 قاڭتار مەن 17 قاڭتاردى قوسا العاندا، اپتانىڭ قىسقا مەرزىمدى كەزەڭىنە قورىتىندى جاسادى.

«قورىتىندىعا سايكەس، الماتى سەيسميكالىق بەلسەندى ءوڭىرىنىڭ اۋماعىندا ەپيدوشاعىندا 7 باللدان اساتىن كۇشتى جەر سىلكىنىسى كۇتىلمەيدى. سونداي-اق ءبىر جىل ىشىندە سەيسمولوگتار وسىنداي 52 قورىتىندى جاساپ، توتەنشە جاعدايلاردى جويۋ ورگاندارىنا تىكەلەي جىبەرەدى»، - دەدى نۇرسارسەن وزبەكوۆ الماتى قالاسى بويىنشا دەپارتامەنتتە وتكەن بريفينگىدە.

سونىمەن قاتار ول الەۋمەتتىك جەلىدە تاراعان «15 قاڭتار كۇنى الماتىدا جەر سىلىكىنىسى بولادى» دەگەن اقپاراتتىڭ شىندىققا جاناسپايتىنىن اتاپ ءوتتى.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1516
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4243
46 - ءسوز

بىزگە بەيمالىم باراق حان

جامبىل ارتىقباەۆ 3143