قىرعىزستاننان قۋىلعان جۋرناليست بولوت تەمىروۆتىڭ حابارلاۋىنشا، بىشكەكتەگى "ايت، ايت دەسە" جانە "تەميروۆ LIVE" جوبالارىنىڭ ديرەكتورى ماحابات تاجىبەككىزى مەن جۋرناليست ساپار اكۋنبەكوۆتىڭ، توقماق قالاسىنداعى اقىن ازامات يشەنبەكوۆتىڭ ءۇيىن تىنتىگەن.
ميليتسيا جۋرناليست ساپار اكۋنبەكوۆتى جاۋاپ الۋعا الىپ كەتكەن، ونىڭ ۇستىنەن "جاپپاي تارتىپسىزدىككە شاقىرۋ" ايىبى بويىنشا قىلمىستىق ءىس قوزعالعانى ايتىلدى.
ميليتسيا "تەمىروۆ LIVE" جوباسىنىڭ بۇرىنعى قىزمەتكەرى اكتيلەك كاپاروۆتى دا تەرگەپ جاتىر.
ودان بولەك "پوليتكلينيكا" سايتىنىڭ ديرەكتورى ديلبار اليموۆا ميليتسيا رەداكتسيا ءجۋرناليستى تىنىستان اسىپبەكوۆتىڭ ءۇيىن ءتىنتىدى دەپ حابارلادى.
قىرعىزستان ءىىم بۇعان نە تۇرتكى بولعانىن ازىرگە تۇسىندىرگەن جوق.
15 قاڭتاردا قىرعىزستان مەملەكەتتىك ۇلتتىق قاۋىپسىزدىك كوميتەتى بىشكەكتە 24.kg اگەنتتىگىنىڭ كەڭسەسىنە ءتىنتۋ جۇرگىزىپ، بارلىق تەحنيكانى الىپ، ەسىگىنە ءمور باسىپ كەتكەن. اگەنتتىكتىڭ باس ديرەكتورى اسەل وتورباەۆا جانە باس رەداكتورلار ماحينۋر نيازوۆا مەن انتون لىماردى جاۋاپ الۋعا الىپ كەتتى. كوميتەت اگەنتتىكتى "سوعىستى ناسيحاتتاۋ" بابى بويىنشا قوزعالعان قىلمىستىق ءىس اياسىندا تىنتىگەنىن حابارلادى.
Abai.kz
