بۇل ءىس-شارا شۆەيتساريانىڭ دامۋ جانە ىنتىماقتاستىق اگەنتتىگىنىڭ (SDC) قولداۋىمەن وتكىزىلدى، دەپ حابارلايدى BAQ.KZ.

پرەزيدەنتى جانىنداعى ادام قۇقىقتارى جونىندەگى كوميسسيا حالىقارالىق كوشى-قون ۇيىمىمەن (حكۇ), پرەزيدەنت جانىنداعى مەملەكەتتىك باسقارۋ اكادەمياسىمەن، ەڭبەك جانە حالىقتى الەۋمەتتىك قورعاۋ مينيسترلىگىمەن جانە نازارباەۆ ۋنيۆەرسيتەتىمەن بىرلەسىپ «قازاقستان رەسپۋبليكاسىنداعى كوشى-قون زاڭناماسىن جانە قۇقىق قولدانۋ پراكتيكاسىن جەتىلدىرۋ جونىندەگى جاستار يدەاتونى («Youth IDEAthon»)» ءىس-شاراسىن وتكىزدى.

بۇل ءىس-شارا شۆەيتساريانىڭ دامۋ جانە ىنتىماقتاستىق اگەنتتىگىنىڭ (SDC) قولداۋىمەن وتكىزىلدى.

ءىس-شاراعا قاتىسۋشىلار الدىندا حكۇ ورتالىق ازيا بويىنشا ميسسياسىنىڭ سۋبوڭىرلىك ۇيلەستىرۋشىسى زەينال گادجيەۆ مىرزا، پرەزيدەنت جانىنداعى ادام قۇقىقتارى جونىندەگى كوميسسيا توراعاسىنىڭ ورىنباسارى تاستەمىر ابىشەۆ، پرەزيدەنت جانىنداعى مەملەكەتتىك باسقارۋ اكادەمياسىنىڭ ۆيتسە-رەكتورى ءاليا ماساليموۆا قۇتتىقتاۋ ءسوز سويلەدى.

حكۇ-نىڭ ورتالىق ازياداعى ميسسياسىنىڭ باسشىسى زەينال گادجيەۆ مىرزا ءوز سوزىندە جاس ۇرپاقتىڭ پروبلەمالاردى شىعارماشىلىقپەن شەشۋدەگى جانە كوشى-قونعا بايلانىستى ماسەلەلەردى شەشۋگە بەلسەندى قاتىسۋداعى باستى ماڭىزىن اتاپ ءوتتى.

كوميسسيا توراعاسىنىڭ ورىنباسارى تاستەمىر ابىشەۆ كوشى-قون ساياساتى قازاقستان رەسپۋبليكاسى مەملەكەتتىك ساياساتىنىڭ ستراتەگيالىق باعىتتارىنىڭ ءبىرى بولىپ تابىلاتىنىن جانە مىنالارعا باعدارلانعانىن اتاپ ءوتتى:

سىرتقى كوشى-قون سالاسىندا – ەتنيكالىق رەپاترياتسيانى ىنتالاندىرۋعا (قانداستاردى) جانە جوعارى بىلىكتى ەڭبەكشى-ميگرانتتاردى تارتۋعا;

ىشكى كوشى-قون سالاسىندا – ەكونوميكانىڭ قاجەتتىلىكتەرىنە سايكەس جانە ولارداعى دەموگرافيالىق جاعدايدى ەسكەرە وتىرىپ، حالىقتى سولتۇستىك وڭىرلەر بويىنشا قونىستاندىرۋ پروبلەمالارىن شەشۋگە.

بۇدان ءارى كوميسسيا توراعاسىنىڭ ورىنباسارى مەملەكەتتىك ورگانداردىڭ قىزمەتىندە ەڭبەكشى-ميگرانتتاردىڭ قۇقىقتارىن قورعاۋ ماسەلەلەرىن وزەكتەندىرۋ، ەڭبەكشى-ميگرانتتاردىڭ قۇقىقتارىن قورعاۋدا ازاماتتىق قوعام ينستيتۋتتارى مەن جوعارى وقۋ ورىندارىنىڭ الەۋەتىن تولىق پايدالانۋ، حالىقتى، ونىڭ ىشىندە كوشىپ-قونۋشىلاردى قۇقىقتىق اعارتۋدىڭ رولىنە ەرەكشە نازار اۋدارۋ قاجەتتىگىن اتاپ ءوتتى.

سونداي-اق كوميسسيا توراعاسىنىڭ ورىنباسارى قازاقستان پرەزيدەنتى ق.توقاەۆ زاڭنىڭ ۇستەمدىگىنە جانە قازاقستاندىق قوعامدا قۇقىقتىق مادەنيەتتى ورناتۋعا، قازاقستان رەسپۋبليكاسىنىڭ حالىقارالىق مىندەتتەمەلەرى اياسىندا اركىمنىڭ كونستيتۋتسيالىق قۇقىقتارىن ساقتاۋعا ماڭىزدى ءمان بەرەتىنىن ەرەكشە اتاپ ءوتتى.

ءوز ءسوزىنىڭ سوڭىندا ت.ابىشەۆ جاستار مەن ولاردىڭ ۇيىمدارىن كوشى-قون زاڭناماسى مەن قۇقىق قولدانۋ پراكتيكاسىن جەتىلدىرۋ بويىنشا جاڭا يدەيالار مەن جوبالار جاساۋعا، كوشى-قون ساياساتىنىڭ 2023-2027 جىلدارعا ارنالعان تۇجىرىمداماسىن ىسكە اسىرۋعا بەلسەندى اتسالىسۋعا شاقىردى.

قاتىسۋشىلار كوماندالارعا ءبولىنىپ، وزدەرىنىڭ كۇش-جىگەرىن مازمۇندى پرەزەنتاتسيالاردى ۇسىنۋعا جانە بولاشاقتا مۇمكىن بولاتىن ىسكە اسىرۋ ءۇشىن يننوۆاتسيالىق يدەيالاردىڭ تۇجىرىمدامالارىن جاساۋعا ارنادى. باستى ماقسات ىنتىماقتاستىقتى نىعايتۋعا جانە قازاقستان شەگىندە دە، حالىقارالىق ارەنادا دا كوشى-قون تاجىريبەسىن ءتۇسىنۋدى تەرەڭدەتۋگە ىقپال ەتەتىن ستراتەگيالاردى زەردەلەۋ بولدى. ميگرانتتاردىڭ شىققان جانە باراتىن ەلدەرىندە تۇرۋىنا جاردەمدەسۋدەگى ۇكىمەتتىك جانە ۇكىمەتتىك ەمەس ۇيىمداردىڭ اسا ماڭىزدى رولىنە ەرەكشە نازار اۋدارىلدى.

تانىستىرىلىمدار قاۋىپسىز، رەتتەلگەن جانە تۇراقتى كوشى-قون تۋرالى جاھاندىق شارتتا كورسەتىلگەن ماقساتتارمەن كەلىسىلدى. قاتىسۋشىلار اۋديتوريامەن رەزونانس تۋدىرعان يدەيالاردى ۇسىنا وتىرىپ، پىكىرتالاستارعا بەلسەندى قاتىستى. ەڭبەك نارىعىنىڭ سەرپىندى قاجەتتىلىكتەرى، مادەني مۇرانى ساقتاۋ، تەحنولوگيالىق سالدارلار جانە قىزمەتكەرلەر مەن جۇمىس بەرۋشىلەر اراسىنداعى وڭ قارىم-قاتىناستاردى قالىپتاستىرۋ، حالىقارالىق ستاندارتتارعا سايكەس ەڭبەكشى-ميگرانتتاردىڭ قۇقىقتارى مەن بوستاندىقتارىن قامتاماسىز ەتۋ سياقتى تاقىرىپتار قوزعالدى.

جالپى، بولىپ وتكەن «جاستار يدەاتونى» جاس ۇرپاققا كوشى-قون جانە ونىڭ كوپ قىرلى سالدارى تۋرالى جالعاسىپ جاتقان ديالوگقا ەلەۋلى ۇلەس قوسۋعا مۇمكىندىك بەرەتىن نەگىزگى پلاتفورما بولدى.

Abai.kz