ولكەمىزگە وڭتۇستىك استانادان ىسساپارمەن كەلگەن رەسپۋبليكالىق بىرقاتار باسىلىمداردىڭ باسشىلارى وبلىس اكىمى ا.ايدارباەۆتىڭ قابىلداۋىندا بولدى، جاڭاوزەن قالاسىنا بارىپ قايتتى، وبلىس ورتالىعىنداعى بىرقاتار وندىرىستىك نىسانداردىڭ جۇمىس بارىسىمەن تانىستى. سونىمەن قاتار جەرگىلىكتى باق وكىلدەرى جانە ءوڭىردىڭ ىشكى ساياسات سالاسى قىزمەتكەرلەرىمەن كەزدەسۋ وتكىزىپ، وندا ءتۇرلى وزەكتى ماسەلەلەر ورتاعا سالىندى. باس قوسۋدى «ماڭعىستاۋ-مەديا» جشس ديرەكتورى ع.مەلدەشوۆ جۇرگىزىپ وتىردى.

ولكەمىزگە وڭتۇستىك استانادان ىسساپارمەن كەلگەن رەسپۋبليكالىق بىرقاتار باسىلىمداردىڭ باسشىلارى وبلىس اكىمى ا.ايدارباەۆتىڭ قابىلداۋىندا بولدى، جاڭاوزەن قالاسىنا بارىپ قايتتى، وبلىس ورتالىعىنداعى بىرقاتار وندىرىستىك نىسانداردىڭ جۇمىس بارىسىمەن تانىستى. سونىمەن قاتار جەرگىلىكتى باق وكىلدەرى جانە ءوڭىردىڭ ىشكى ساياسات سالاسى قىزمەتكەرلەرىمەن كەزدەسۋ وتكىزىپ، وندا ءتۇرلى وزەكتى ماسەلەلەر ورتاعا سالىندى. باس قوسۋدى «ماڭعىستاۋ-مەديا» جشس ديرەكتورى ع.مەلدەشوۆ جۇرگىزىپ وتىردى.

كەزدەسۋ بارىسىندا مەرزىمدىك ءباسپاسوز جانە زاماناۋي ينتەرنەت-مەديانىڭ مۇمكىندىكتەرى سارالاندى. «جاس الاش» گازەتىنىڭ باس رەداكتورى ر.سارسەنباەۆ قاي گازەتكە بولماسىن جاڭاشا قان، جاڭاشا لەپ بەرىپ، جاڭا ءسوز ايتۋ، بارلىق كەزدە دە ماسەلەگە ۇلتتىق مۇددە تۇرعىسىنان قاراۋ كەرەك ەكەندىگىن بايسالدى تۇردە جەتكىزدى. ماڭعىستاۋلىقتاردىڭ اقتاۋدان اەس سالۋعا قارسى دالەلدى دايەك كەلتىرىپ، حالىق پەن بيلىكتىڭ بىرىڭعاي ۇستانىمدا وتىرعانىنا قاناعاتتانعاندىق ءبىلدىردى. «ارينە، قاناتىن جايىپ كەلە جاتقان ەلىمىزگە ەنەرگەتيكالىق قۋاتتار كەرەك-اق. الايدا، اەس-تەن، ونىڭ ىشىندە سەنىمسىز سانالاتىن رەسەيلىك اەس-تەن بويدى اۋلاق سالىپ، كۇن، جەل، ت.ب. ەنەرگيا كوزدەرىن پايدالانساق تا ۇتىلا قويماسپىز» دەي كەلىپ، كەدەندىك وداق تاۋەلسىز ەلىمىزگە وڭ ناتيجە بەرمەيدى-اۋ دەگەندەي قاۋپىن دە جاسىرمادى. «تسەنترال-ازيا مونيتور» گازەتىنىڭ باس رەداكتورى ب.عابدۋللين بۇگىنگىدەي مەديا-وركەنيەتىندە ينتەرنەت-باسىلىمدار جەدەل اقپارات بەرۋدە دە، وقىرمان سانىن كوبەيتۋدە دە ءتيىمدى دەگەن وزىندىك تۇجىرىمعا توقتالسا، «ايقىن» گازەتىنىڭ باس رەداكتورى ن.ءجۇسىپ بۇل رەتتەگى الەمدىك تەندەنتسيا وزگەرىپ وتىراتىندىعىن، ايتالىق جاپونيا مەن وڭتۇستىك كورەيادا مەرزىمدىك باسىلىمداردى وقۋشىلار سانى كۇرت ارتىپ كەتكەندىگىن، جالپى گازەتتەردىڭ ۇلتتىق اعارتۋشىلىق-تانىمدىق ءرولىنىڭ ەشقاشان دا تومەندەمەيتىندىگىن، ينتەرنەت قازاقتىڭ ءتىلى مەن مادەنيەتىنە ايتارلىقتاي نۇقسان كەلتىرەتىندىگىن اتاپ ءوتتى. وسى پىكىردى قۇپتاعان «جاس قازاق» گازەتىنىڭ باس رەداكتورى س.سمايىل جالپى ينتەرنەتتىڭ ادامنىڭ ويلاۋ جۇيەسىنە كەرى اسەرىن، ءوزى ساپاردا بولىپ قايتقان انگليادا ءبارى كۇندەلىك-ءتى گازەت وقيتىنىن، شەتەلدىك گازەتتەردىڭ اقپاراتقا نەگىزدەلەتىنىن، ساراپتامالىق دۇنيەلەردىڭ جۋرنالداردا جاريالاناتىنىن ايتتى. حالىقارالىق «تۇركىستان» اپتالىعىنىڭ باس رەداكتورى ش.پاتتەەۆ ينتەرنەتتەگى جاريالانىمدارعا كوپ ەشكىمنىڭ باسى اۋىرمايتىنىن، ال گازەتكە شىققان، ياعني تاسقا باسىلعان دۇنيەگە جاۋاپ بەرەتىنىن تىلگە تيەك ەتە كەلە، ءبىزدىڭ ەلىمىزدە باسپاسوزگە مەملەكەت تاراپىنان جەتە ءمان بەرىلمەي وتىرعانىن، ماسەلەنكي فرانتسيادا گازەتتەرگە بيۋدجەتتەن قوماقتى قارجى قاراستىرىلىپ، شىعارىلىپ، تاراتىلۋىنا دەيىن وڭدى جولعا قويىلعانىن اتاپ ءوتتى.

دوڭگەلەك ۇستەل باسىنداعى ەركىن اڭگىمەدە سونداي-اق «ۆرەميا» گازەتىنىڭ باس رەداكتورى ل.تاراكوۆ، «نوماد» اقپاراتتىق پورتالىنىڭ ديرەكتورى د.اشىمباەۆ، «مەگاپوليس» گازەتىنىڭ باس رەداكتورى ي.شاحنوۆيچ ءسوز سويلەپ، تاقىرىپتى ودان ءارى ءوربىتتى. قوعامدىق ءومىردىڭ قايناعان ورتاسىنداعى ەڭ وزەكتى ماسەلەلەردى وتكىر جازۋ، اقيقات پەن ادىلدىكتى تۋ ەتىپ سىندى كۇشەيتۋ، پروبلەمالاردى قوزعاۋ، قوعامدىق پىكىر تۋىنداتۋ، ءاربىر باسىلىمنىڭ ءوز پوزيتسياسى بولۋى قاجەتتىگى، جۋرناليست مامانداردىڭ تاپشىلىعى، تاعى باسقا دا ەلگە، جەرگە، حالىققا قاتىستى ماسەلەلەردى باتىل كوتەرە، كاسىبي بىلىكتىلىكپەن ءارى شەبەرلىكپەن جازا ءبىلۋ جايلى كەڭىنەن پىكىر الىسۋ ءوتتى. كەزدەسۋ بارىسىندا ايماق جۋرناليستەرى دە وزدەرىن تولعاندىرعان جايتتەردى بايانداپ، جالپى جۋرناليستيكا قۇندىلىقتارىنا ادال بولۋ، جۋرناليست ستاتۋسىن ايقىنداۋ ماسەلەسى تاقىرىپ وزەگىنە اينالدى.

Abai.kz