پرەزيدەنت قاسىم-جومارت توقاەۆ بۇگىن رەسەي فەدەراتسياسىنا بارىپ، قازان قالاسىندا وتەتىن «بولاشاقتىڭ ويىندارى» حالىقارالىق ءتۋرنيرىنىڭ اشىلۋ راسىمىنە قاتىسادى.

اتالعان ءىس-شاراعا بەلارۋس، قىرعىزستان، تاجىكستان جانە وزبەكستان پرەزيدەنتتەرى، سونداي-اق باسقا دا بىرقاتار مەملەكەتتىڭ وكىلدەرى قاتىسادى دەپ جوسپارلانعان.

«بولاشاق ويىندارى» گيبريدتىك سپورت تۇرلەرى بويىنشا العاشقى حالىقارالىق مۋلتيسپورتتىق جارىس قازان مەن سوچيدە 21 اقپان مەن 3 ناۋرىز ارالىعىندا وتەدى.

جارىستىڭ ءاربىر ءتۇرى كلاسسيكالىق سپورت پەن كيبەرسپورت نەمەسە VR/AR-تەحنولوگياسىن بىرىكتىرەدى. مۇنداي سپورتتىق پاندەردى سيپاتتاۋ ءۇشىن «فيدجيتال» (physical + digital) ءسوزى پايدالانىلادى.

سپورتشىلار فيزيكالىق جانە ساندىق مۇمكىندىكتەر شەگىندە كۇرەسەتىن بولادى. ۇسىنىلعان جارىستاردىڭ اراسىندا فيدجيتال-فۋتبول جانە حوككەي، دروندار جارىسى، روبوتتار شايقاسى جانە ت.ب. بولادى.

Abai.kz