ەلدىڭ ەسىندە بولار، التايدىڭ التى اي قىسىنان ارەڭ شىققان «شىعىس» اۋىلىنىڭ تۇرعىندارى  كوكتەمنىڭ كوكوزەك شاعىندا وسكەمەن قالاسىنا قاراي لاپ قويعان بولاتىن. ويتكەنى، قحر-دان قونىس اۋدارعان اعايىننىڭ اۋىلى – «شىعىستاعى» تۇرعىن ۇيلەردىڭ ءبارى ەلەكتەرلىجىلتپا پەشپەن (تەپلوفون) جىليدى ەكەن. جىليدى دەگەنىمىز جاي ءسوز، شىندىعىندا الگى جىلتپاپەشتەر سارشۇناق اياز ساقىلداپ كەپ قىسقاندا قامساۋ بولا المايدى ەكەن. ونىڭ ۇستىنە باعاسى دا قىمبات. ءسويتىپ ءار وتباسى 100-150 مىڭنان قارىزعا باتقان، ءارى «شىقپا، جانىم، شىقپامەن» ارەڭ كۇنەلتكەن اۋىل تۇرعىندارى جەرگىلىكتى بيلىككە ارىز-مۇڭدارىن شاعىپ، اقيقاتتى جاريا ەتپەك بولعان. ماسەلەنىڭ ءمانىسىن بىردەن ۇققان وبلىس اكىمى نارازى جۇرتتى قالاعا جەتكىزبەي قارسى الىپ، ۇيلەردى ساپاسىز سالىپ كەتكەن  «بىتستروي» قۇرىلىس كومپانياسىنىڭ اكەسىن تانتۋعا ۋادە بەرگەن-ءدى. «شىعىستىقتاردىڭ» بۇگىنگى احۋالى قالاي؟ ولار قىلىشىن سۇيرەتىپ كەلىپ قالعان كارلى قىستىڭ قىسىمىنا  توزە الا ما؟ وبلىستىق «ديدار» گازەتىنىڭ حابارلاۋىنا سۇيەنسەك،   «شىعىس» اۋىلىنىڭ تۇرعىندارى  الداعى قىستى قاپىسىز قارسى الۋعا قامدانىپ جاتقانعا ۇقسايدى.  «شىعىستىقتار» ۇيلەرىن جىلىلاپ، تەپلوفونداردىڭ ورنىنا قاتتى وتىنمەن جاناتىن كادىمگى پەشتەردى ورناتۋعا كوشكەن.

 ەلدىڭ ەسىندە بولار، التايدىڭ التى اي قىسىنان ارەڭ شىققان «شىعىس» اۋىلىنىڭ تۇرعىندارى  كوكتەمنىڭ كوكوزەك شاعىندا وسكەمەن قالاسىنا قاراي لاپ قويعان بولاتىن. ويتكەنى، قحر-دان قونىس اۋدارعان اعايىننىڭ اۋىلى – «شىعىستاعى» تۇرعىن ۇيلەردىڭ ءبارى ەلەكتەرلىجىلتپا پەشپەن (تەپلوفون) جىليدى ەكەن. جىليدى دەگەنىمىز جاي ءسوز، شىندىعىندا الگى جىلتپاپەشتەر سارشۇناق اياز ساقىلداپ كەپ قىسقاندا قامساۋ بولا المايدى ەكەن. ونىڭ ۇستىنە باعاسى دا قىمبات. ءسويتىپ ءار وتباسى 100-150 مىڭنان قارىزعا باتقان، ءارى «شىقپا، جانىم، شىقپامەن» ارەڭ كۇنەلتكەن اۋىل تۇرعىندارى جەرگىلىكتى بيلىككە ارىز-مۇڭدارىن شاعىپ، اقيقاتتى جاريا ەتپەك بولعان. ماسەلەنىڭ ءمانىسىن بىردەن ۇققان وبلىس اكىمى نارازى جۇرتتى قالاعا جەتكىزبەي قارسى الىپ، ۇيلەردى ساپاسىز سالىپ كەتكەن  «بىتستروي» قۇرىلىس كومپانياسىنىڭ اكەسىن تانتۋعا ۋادە بەرگەن-ءدى. «شىعىستىقتاردىڭ» بۇگىنگى احۋالى قالاي؟ ولار قىلىشىن سۇيرەتىپ كەلىپ قالعان كارلى قىستىڭ قىسىمىنا  توزە الا ما؟ وبلىستىق «ديدار» گازەتىنىڭ حابارلاۋىنا سۇيەنسەك،   «شىعىس» اۋىلىنىڭ تۇرعىندارى  الداعى قىستى قاپىسىز قارسى الۋعا قامدانىپ جاتقانعا ۇقسايدى.  «شىعىستىقتار» ۇيلەرىن جىلىلاپ، تەپلوفونداردىڭ ورنىنا قاتتى وتىنمەن جاناتىن كادىمگى پەشتەردى ورناتۋعا كوشكەن.

قازىر اتالعان ەلدى مەكەندە سالىنعان 463 باسپانانىڭ 461-ىندە ادامدار تۇرىپ جاتىر. اعىمداعى قىركۇيەك ايىنان بەرى ءاۋ باستاعى مەردىگەر مەكەمە «بىتستروي» جشس ساپاسىز سالىپ كەتكەن 80 ءۇيدىڭ جوندەۋ جۇمىستارىن دەمەۋشىلىك كومەك رەتىندە «بەرەل قۇرىلىس» جشس موينىنا الىپ، اياقتاۋعا جاقىن قالىپتى.

«قۇماروۆ جانە ك» كومپانياسى تۇرعىزعان 65 شاڭىراقتىڭ جوندەۋدى قاجەت ەتەتىن بەسەۋىن دەمەۋشىلىككە تارتىلعان «اگەم» جشس تاس ءتۇيىن قىلىپ بەرىپتى.

سول سياقتى «777 جانە ك» مەردىگەر مەكەمەسى دە ءوزى سالعان ءجۇز باسپانانىڭ تەڭ جارتىسىندا قوسىمشا جوندەۋ جۇرگىزۋگە مىندەتتەمە الىپتى.

– ساپاسىز ۇيلەردى جوندەۋگە، سىرتىن جىلىلاپ قاپتاۋعا، سونداي-اق، پەش سالىپ بەرۋگە بيۋدجەتتەن ءبىر تيىن اقشا بولىنگەن جوق. ءبارى دەمەۋشى كومپانيالاردىڭ قولداۋىمەن ىستەلىپ جاتىر. گلۋبوكوە اۋدانىنان جىلىلايتىن ماتەريالدار جەتكىزىلىپ، تۇرعىندار ۇيلەرىن وزدەرى قاپتاپ الۋدا. سول سەكىلدى دەمەۋشىلىك كورسەتكەن «يمستالكون» جشس 20 پەش جاساپ، سىيعا تارتتى. ونى ءبىز اۋىلداعى الەۋمەتتىك جاعىنان از قامتىلعان وتباسىلاردىڭ، جالعىزباستى انالاردىڭ ۇيلەرىنە تەگىن بەرەمىز. ال جاعدايى بار، مۇمكىندىگى جەتكىلىكتى وتباسىلار ءوز ەسەپتەرىنەن وت جاعاتىن پەش ورناتىپ الۋلارىنا رۇقسات، – دەيدى وسكەمەن قالاسىنىڭ اكىمى تەمىربەك قاسىمجانوۆ.

سونداي-اق، قالا باسشىسى جاسۇلان، 8 مەكەنجايىنداعى تۇرعىن ۇيدە جىلۋ بەرۋدىڭ قوسىمشا كوزى رەتىندە پەش ورناتۋ بويىنشا 500 مىڭ تەڭگەگە قاناتقاقتى جوبا ىسكە اسىرىلعانىن جەتكىزدى. سىناق ناتيجەسى ءساتتى بولىپ، ارتىنشا كەربۇعا، 37, بايتەرەك، 24, 26, جاسۇلان، 1, الاش، 32/1 مەكەنجايلارىندا ورنالاسقان ۇيلەردىڭ يەلەرى دە ءوز قاراجاتتارىنا پەش سالۋعا كىرىسىپ كەتكەن. بۇنىڭ سىرتىندا 114 وتباسى URSA ماتەريالىمەن ۇيلەرىنىڭ سىرتىن جىلىلاپ، قاپتاپ العان.

– پەشتى قىتايدان ءوز اقشامىزعا ساتىپ الىپ قوستىق. وسىندا اكەلگەندەگى جول جانە باسقا شىعىنداردى قوسا ەسەپتەگەندە 300 مىڭ تەڭگەگە شىقتى. قازىر كۇن جىلىدا ءبىر قالاق كومىر سالساق ءۇيدىڭ ءىشى قايناپ كەتەدى. باتارەيالار قول تيگىزبەيدى. قىستا دا سۋىق بولا قويماس دەپ ويلاپ وتىرمىز، – دەيدى الاش كوشەسى، 32/1 ءۇيدىڭ تۇرعىنى كاۋەن جيداحان.
ءبىر ايتا كەتەرلىگى، وسىعان دەيىن جۇرت اراسىندا «قاعاز» ۇيلەرگە وت جاعۋ اسا قاۋىپتى دەگەن سىڭايدا گۋ-گۋ اڭگىمە تاراعان. الايدا، بۇل پىكىردى تەرىسكە شىعارعان ماماندار قاتتى وتىنمەن جاناتىن پەشتەردى قولدانعاندا ءورت قاۋىپسىزدىگى تەحنيكاسى قاتاڭ ساقتالاتىنىن ەسكەرتتى.

 الدا قىس. بيىلعى قىس بىلتىرعىداي قاتال بولادى دەگەن بولجامدار بار. باسقاسى-باسقا، التايدىڭ قىسى ءتىپتى ەرەكشە. سونداي ەرەكشە قىستان شىعىستىقتار قىسىلماي شىقسا بولعانى.

Abai.kz