وتكەن جۇما كۇنى وبلىس ورتالىعىندا سالىنىپ جاتقان اقتاۋ جول بيتۋمى زاۋىتىنىڭ باسىندا رەسپۋبليكالىق جانە جەرگىلىكتى بۇقارالىق اقپارات قۇرالدارىنىڭ وكىلدەرىن تاياۋدا ىسكە قوسىلاتىن وندىرىسپەن تانىستىرۋ ءراسىمى بولىپ ءوتتى.
ءوندىرىس الاڭىندا ماڭعىستاۋ وبلىسىنىڭ يندۋستريالىق-يننوۆاتسيالىق دامۋ باسقارماسى باسشىسىنىڭ مىندەتىن اتقارۋشى ج.ساعىندىقوۆ ايماعىمىزدا جۇزەگە اسىرىلىپ جاتقان ينۆەستيتسيالىق جوبالار مەن رەسپۋبليكالىق يندۋستريالاندىرۋ كارتاسىنا ەنگىزىلگەن «اقتاۋ قالاسىندا جول بيتۋمدارىن ءوندىرۋ» ينۆەستيتسيالىق جوباسىن ىسكە اسىرۋ بارىسى تۋرالى اڭگىمە ءوربىتتى.
– قازىرگى تاڭدا اتالعان باعدارلامانىڭ اياسىندا ماڭعىستاۋ وبلىسى بويىنشا يندۋستريالاندىرۋ كارتاسىنا جالپى سمەتالىق قۇنى 280,1 ملرد. تەڭگە تۇراتىن جانە جاڭادان 8800 جۇمىس ورنىن اشۋعا مۇمكىندىك بەرەتىن 34 جوبا ەندى،-دەدى جەڭىسبەك ورەنۇلى.
ونىڭ ىشىندە وڭىرلىك كارتاعا سمەتالىق قۇنى 230,9 ملرد. تەڭگە بولاتىن جانە 8400 جاڭا جۇمىس ورنىن اشاتىن 32, ال رەسپۋبليكالىق كارتاعا سمەتالىق قۇنى 49,1 ملرد. تەڭگە تۇراتىن جانە جاڭادان 354 جۇمىس ورنىن اشۋعا مۇمكىندىك بەرەتىن 2 جوبا كىردى.
2010-2012 جىلدار ارالىعىندا سمە-تالىق قۇنى 131,4 ملرد. تەڭگە جانە 1800 جاڭا تۇراقتى جۇمىس ورنىن قۇرايتىن 23 نىسان پايدالانىلۋعا بەرىلدى.

وتكەن جۇما كۇنى وبلىس ورتالىعىندا سالىنىپ جاتقان اقتاۋ جول بيتۋمى زاۋىتىنىڭ باسىندا رەسپۋبليكالىق جانە جەرگىلىكتى بۇقارالىق اقپارات قۇرالدارىنىڭ وكىلدەرىن تاياۋدا ىسكە قوسىلاتىن وندىرىسپەن تانىستىرۋ ءراسىمى بولىپ ءوتتى.
ءوندىرىس الاڭىندا ماڭعىستاۋ وبلىسىنىڭ يندۋستريالىق-يننوۆاتسيالىق دامۋ باسقارماسى باسشىسىنىڭ مىندەتىن اتقارۋشى ج.ساعىندىقوۆ ايماعىمىزدا جۇزەگە اسىرىلىپ جاتقان ينۆەستيتسيالىق جوبالار مەن رەسپۋبليكالىق يندۋستريالاندىرۋ كارتاسىنا ەنگىزىلگەن «اقتاۋ قالاسىندا جول بيتۋمدارىن ءوندىرۋ» ينۆەستيتسيالىق جوباسىن ىسكە اسىرۋ بارىسى تۋرالى اڭگىمە ءوربىتتى.
– قازىرگى تاڭدا اتالعان باعدارلامانىڭ اياسىندا ماڭعىستاۋ وبلىسى بويىنشا يندۋستريالاندىرۋ كارتاسىنا جالپى سمەتالىق قۇنى 280,1 ملرد. تەڭگە تۇراتىن جانە جاڭادان 8800 جۇمىس ورنىن اشۋعا مۇمكىندىك بەرەتىن 34 جوبا ەندى،-دەدى جەڭىسبەك ورەنۇلى.
ونىڭ ىشىندە وڭىرلىك كارتاعا سمەتالىق قۇنى 230,9 ملرد. تەڭگە بولاتىن جانە 8400 جاڭا جۇمىس ورنىن اشاتىن 32, ال رەسپۋبليكالىق كارتاعا سمەتالىق قۇنى 49,1 ملرد. تەڭگە تۇراتىن جانە جاڭادان 354 جۇمىس ورنىن اشۋعا مۇمكىندىك بەرەتىن 2 جوبا كىردى.
2010-2012 جىلدار ارالىعىندا سمە-تالىق قۇنى 131,4 ملرد. تەڭگە جانە 1800 جاڭا تۇراقتى جۇمىس ورنىن قۇرايتىن 23 نىسان پايدالانىلۋعا بەرىلدى.
بۇگىنگى كۇنى ءبىزدىڭ يندۋستريالىق-يننوۆاتسيالىق دامۋ باسقارماسىندا ەلباسىنىڭ اعىمداعى جىلدىڭ 11 قازانىنداعى ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىن ورىنداۋ ماقساتىندا ۇسىنىلىپ وتىرعان جوبالاردى قابىلداۋ مەن مەملەكەتتىك باعدارلاماعا ەنگىزۋ تاسىلدەرى وزگەرتىلمەك، ولاردىڭ ءبىزدىڭ وڭىرىمىزگە قاجەتتىلىگى مەن پايدالىلىعىنا ەڭ ءبىرىنشى كەزەكتە كوڭىل بولىنەدى.
ال اعىمداعى جىلى سمەتالىق قۇنى 83,5 ملرد. تەڭگە جانە 600 جاڭا جۇمىس ورنىن قۇرايتىن 2 جوبانى اياقتاۋ جوسپارلانىپ وتىر.
اقتاۋ بيتۋم زاۋىتى – رەسپۋبليكالىق مانگە يە يننوۆاتسيالىق جوبا. اتالعان جوبانىڭ جۇزەگە اسۋىنىڭ نەگىزگى ەكونو-ميكالىق تيىمدىلىگى سول – جول بيتۋمى مەن باسقا دا جوعارى قوسىمشا قۇندى مۇناي ونىمدەرىنىڭ كەيبىرى بويىنشا ماڭعىستاۋ وبلىسىنىڭ يمپورتىن ازايتىپ، ەسەسىنە ەكسپورتىن ارتتىرۋعا قول جەتكىزۋگە مۇمكىندىك تۋادى.
كەزدەسۋدە «CASPI BITUM» بىرلەسكەن كاسىپورنى» جاۋاپكەرشىلىگى شەكتەۋلى سەرىكتەستىگى باس ديرەكتورىنىڭ ءوندىرىس جونىندەگى ورىنباسارى جانە كاسىپورىننىڭ باس ينجەنەرى س.بايسەكەنوۆ ءوندىرىستى ىسكە قوسۋ جۇمىستارىمەن تانىستىردى.
– «CASPI BITUM» بىرلەسكەن كاسىپورنى» جاۋاپكەرشىلىگى شەكتەۋلى سەرىكتەستىگىنىڭ (قىتاي حالىق رەسپۋبليكاسىنىڭ «KPI» اكتسيونەرلىك قوعامى (50 پايىز) مەن قازاقستان رەسپۋبليكاسىنىڭ «CITIC Kazakhstan» (50 پايىز) كومپانياسى كاسىپورىننىڭ قۇرىلتايشىلارى بولىپ تابىلادى) اقتاۋ پلاستماسسالار زاۋىتىندا جول بيتۋمدارىن ءوندىرۋ جوباسى قازاقستان رەسپۋبليكاسىندا مۇناي-حيميا ونەركاسىبىن دامىتۋ باعدارلاماسىن دامىتۋ شەڭبەرىندە جاسالدى،- دەدى سەرىك جالەلۇلى. – باس جوبالاۋشى «قازاق مۇناي جانە گاز ينستيتۋتى» اكتسيونەرلىك قوعامى جوبالاعان زاۋىت ءوندىرىسى قازاق-ستان رەسپۋبليكاسىنىڭ جول قۇرىلىسى سۇرانىمىن قاناعاتتاندىرۋ ءۇشىن جوعا-رى ساپالى جول بيتۋمدارىن شىعارۋ مەن جاڭا جۇمىس ورىندارىن قۇرۋعا باعىت-تالدى. ونىڭ قۇرىلىسى «كازستروي سەرۆيس» ۇلتتىق مەملەكەتتىك قۇرىلىس كومپانياسى» اكتسيونەرلىك قوعامى (قۇرىلىس-مونتاج جۇمىستارى مەن جالپى زاۋىت-تىق شارۋاشىلىق قۇرال-جابدىقتارىن جەتكىزۋ) مەن «CITIC Construction» كومپانياسى (ەلوۋ-اۆت تەحنولوگيالىق قۇرال-جابدىقتارىن جەتكىزۋ، بيتۋمداردى تۇرلەندىرۋ مەن قاپتاۋ) ارقىلى قىتايدىڭ «BANK of CHINA» بانكىسىنىڭ قارجىسى (جوبا قۇنىنىڭ 80 پايىزى) مەن جوباعا قاتىسۋشىلاردىڭ قارجىسىنا (جوبا قۇنىنىڭ 20 پايىزى) سالىنۋدا. جىلىنا قاراجانباس كەنورنىنىڭ 1 ملن. توننا مۇنايىن شيكىزات رەتىندە پايدالاناتىن زاۋىت ۇستىمىزدەگى جىلعى جەلتوقسان ايىندا ىسكە قوسىلعاننان كەيىن جىل سا-يىن 406 مىڭ توننا جول بيتۋمىن (ولاردىڭ ىشىندە 161 مىڭ تۇرلەندىرىلگەن بيتۋم), 255 مىڭ توننا بەنزين-ديزەل فراكتسياسى مەن 330 مىڭ توننا ۆاكۋمدىق گازويل شىعارادى. اتاپ ايتساق، 400 مىڭ توننادان كەم ەمەس كولەمدە بند 60/90, بند 90/130 ماركالارىنداعى جول بيتۋمدارى مەن پوليمەرلىك تۇرلەندىرىلگەن بيتۋمدار وندىرەدى. پوليمەرلىك تۇرلەندىرىلگەن بيتۋمدار اياز بەن ىستىققا جانە ەسكىرىپ-توزۋعا ءتوزىمدى قاسيەتتەرىنە بايلانىستى جولدىڭ پايدالانىلۋ مەرزىمىن ۇزارتادى جانە جوندەۋ شىعىندارىن ايتارلىقتاي ازايتادى.
«بيتۋم زاۋىتى-اسفالتتىق بەتون ءوندىرۋ جونىندەگى زاۋىتتار-اسفالتتىق بەتون توسەۋ ورنى» جولىندا بيتۋم ساپاسىن جوعالتپاۋ ءۇشىن اقتاۋ بيتۋم زاۋىتىندا قازاقستاندا تۇڭعىش رەت جول بيتۋمىن ءبىر جولى پايدالانىلاتىن ەكى ءتۇرلى تاسىمالداۋ ىدىسى – بيگ-بەگي (1000 كەلى) مەن پلاستيكالىق قاپتارعا (40 كەلى) قاپتاۋ جونىندەگى يننوۆاتسيالىق تەحنولوگيا قاراستىرىلدى. قاپتالعان سالقىن بيتۋمدى پايدالانۋ تەك ماتەريالدىڭ بۇرىنعى فيزيكالىق-حيميالىق ەرەكشەلىكتەرىن ساقتاپ قانا قويمايدى، سونىمەن بىرگە اسفالتتىق بەتون زاۋىتتارىندا ۇلكەن كولەمدى بيتۋم قويمالارىندا بيتۋمدى بالقىعان كۇيىندە ۇستاۋعا كەتەتىن شىعىنداردى قىسقارتۋ ەسەبىنەن ۇنەمدەۋگە قول جەتكىزەدى.
جوبانى ىسكە اسىرۋ 2010-2014 جىل-دارعا ارنالعان قازاقستان رەسپۋبلي-كاسىنىڭ ۇدەمەلى يندۋستريالىق-يننو-ۆاتسيالىق دامۋ جونىندەگى مەملەكەتتىك باعدارلاماسىنا سايكەس جۇرگىزىلۋدە. قازىرگى ۋاقىتتا زاۋىتتىڭ تەحنولوگيالىق بلوكتارى بويىنشا (ەلوۋ-اۆت، بيتۋمداردى تۇرلەندىرۋ مەن قاپتاۋ بلوكتارى) تەحنولوگيالىق قۇرال-جابدىقتار مونتاجدالىپ، سىناقتان وتكىزىلدى، بۇگىندە ىسكە قوسۋ شارالارى جۇزەگە اسىرىلۋدا-«سالقىنداي» سىناقتان وتكىزۋ مەن اۋامەن ۇرلەۋ اياقتالدى. بۋمەن ۇرلەۋ مەن «ىستىقتاي» سىناقتان وتكىزۋ ءۇشىن ازىرلىك جۇمىستارى جۇرگىزىلۋدە، بۇل ءۇشىن 980 توننا كولەمىندە رەزەرۆۋارعا پەش وتىنى قابىلداندى. قاراجانباس كەنورنىنان رەزەرۆۋارلارعا 25 مىڭ توننا مۇناي ءتۇستى.
جالپى زاۋىتتىق شارۋاشىلىق بويىنشا ترانفورماتورلىق پودستانسا، تپ16-6, كرۋن، كومپرەسسورلىق ستانسا، جىلۋ قازاندىعى، سۋ ازىرلەۋ ستانساسى بويىنشا ىسكە قوسۋ مەن جۇمىسىن جولعا قويۋ ىستەرى اياقتالدى. دگو-عا سۋ بەرۋ، رەزەرۆۋارلىق پاركتەر، سوراپتىق جۇيە، تەمىر جول ەستاكاداسى، اۆتوكولىكپەن سۋ قۇيۋ ورنى جۇمىسقا ءازىر.
بارلىق رەزەرۆۋارلاردى تەكسەرۋ مەن تەمىر جولدىق قۇيۋ ەستاكاداسى بويىنشا جۇمىس اياقتالدى. وپەراتورلىق بولىمدە ىسكە قوسۋ جانە جۇمىسىن جولعا قويۋ ىستەرى اياقتالۋ ۇستىندە.
تەحنولوگيالىق قۇرال-جابدىقتاردى مۇناي ونىمىمەن (پەش وتىنىمەن) سىناقتان وتكىزۋ ۇستىمىزدەگى جىلدىڭ 10 قاراشاسىنا دەيىن ىسكە اسىرىلادى. بيتۋمنىڭ العاشقى سىناق پارتياسى 2013 جىلدىڭ 25 قاراشاسى قارساڭىندا شىعارىلادى.
كەزدەسۋ سوڭىندا كاسىپورىن باسشىلارى مەن ماماندارى وپەراتورلىق ءبولىم مەن مۇنايدان باستاپ بيتۋم قۇرامىنىڭ ساپاسىنا دەيىن تەكسەرەتىن زەرتحانانىڭ جۇمىستارىمەن تانىستىردى.
الداعى ايدا پايدالانۋعا بەرىلەتىن اقتاۋ بيتۋم زاۋىتى جول قۇرىلىسىنىڭ الدىنان جاڭا كوكجيەكتەر اشادى. بۇل شەت ەلدەرگە ەكسپورتقا ونىمدەر شىعاراتىن كاسىپورىن قازاقستاندا ەۋروپالىق ستاندارتتارعا سايكەس كەلەتىن داڭعىل جولدار سالۋعا مۇرىندىق بولادى دەپ سەنەمىز.
Abai.kz