ىستانبۇل. قازاق قانداستارىمىزدىڭ كوپ قونىستانعان زەيتۇنبۇرىن اۋدانى 22 ميلليوننان استام حالىق تۇراتىن الىپ شاھار ىستانبۇلداعى جەتەكشى ايماقتاردىڭ ءبىرى. وسىدان 70 جىل بۇرىن سوناۋ التاي وڭىرىنەن ءۇندىستان، پاكىستان ەلدەرى ارقىلى تۇركيادان قونىس تەپكەن زەينەش اقساقال وسى ءوڭىردىڭ قۇرمەتتى ازاماتتارىنىڭ ءبىرى بولدى.

كوپشىلىك الدىندا ابىروي بەدەلگە يە بولعان زەينەش قاريا كوزى اشىق، كوكىرەگى وياۋ، پاراساتتى جان ەدى. ۇلدارى احمەت، مەحمەت، ءماجيت جانە راشيداسىنا جوو-دان ءبىلىم الۋىنا ىقپال ەتتى. راشيدا زەينەشقىزى ىستانبۇلداعى مەديتسينا ۋنيۆەرسيتەتىن ءبىتىردى. دەنساۋلىق سالاسىنىڭ بەلگىلى دە قۇرمەتتى دارىگەرى اتاندى. بۇگىندە قوعامدىق ىستەردىڭ كوش باسىندا. تۇركياداعى ادىلەت جانە دامۋ پارتياسى ورتالىق كوميتەتىنىڭ القا مۇشەسى. زەيتۇنبۇرىن اۋدانى ءماسليحاتىنىڭ مۇشەسى. تۇركى مەمەلەكەتتەرى مۇشە ەلدەرىمەن باۋىرلاستىق جاقسى قارىم-قاتىناستا.

سۋرەت اۆتوردىڭ جەكە مۇراعاتىنان الىندى

مارمارا تەڭىزى جاعاسىنداعى 35 قاباتتاعى بيىك ۇيىندە تۇركى تىلدەس حالىقتارى وكىلدەرىنىڭ ۇلكەن توبىنىڭ باس قوسۋ شاراسىن وتكىزدى. ۇلتتىق تاعام، ناۋرىز كوجە، باۋىرساق ت.ب تاعامدارمەن داستارحان جايىپ قارسى الدى. شاراعا قازاق، قىرعىز، وزبەك، تۇركىمەن، ۇيعىر، تاتار، نوعاي، اۋعان، يران، سيريا تۇرىكتەرى مەن قوعامدىق ۇيىمداردىڭ باسشىلارى، 70-تەن استام ادام قاتىستى.

سۋرەت اۆتوردىڭ جەكە مۇراعاتىنان الىندى

شاڭىراق يەسى، قۇرمەتتى دارىگەر، قازاق قىزى راشيدا يۋكسەل جينالعانداردى ناۋرىز مەرەكەسىمەن قۇتتىقتادى. سونىمەن قاتار، زەيتۇنبۇرىن اۋدانى ءماسليحاتىنا جانە اۋدان اكىمىنە ۇمىتكەرلەرگە ساتتىلىك تىلەدى. ىستانبۇلداعى ءبىرىنشى قازاق كونسۋلى قىزمەتىن اتاقارعان، دۇنيەجۇزى قازاقتارى قاۋىمداستىعىنىڭ تۇركيا وكىلى، قازاقستان مادەنيەت جانە ساۋدا ورتالىعىنىڭ باسشىسى ەرجان ءۋايىس قۇتتىقتاۋ ءسوز سويلەدى.

سۋرەت اۆتوردىڭ جەكە مۇراعاتىنان الىندى

ناۋرىز تۇركى حالىقتارىنىڭ ۇلتتىق مەرەكەسى. مىنە، ۇلتتىق تاعامىمىزدى راشيدا ءوز قولىمەن ازىرلەدى. ءبىز ونىمەن ماقتانامىز. شەتەلدە تۋىپ، وسىندا ءومىر ءسۇرىپ جاتقان قازاق قىزىنىڭ بەلسەندىلىگى ءۇشىن ريزاشىلىعىمدى بىلدىرەمىز.

ەل پرەزيدەنتى رەجەپ ەردوعاننىڭ كەڭەسشىسى رەتىندە قازاقستانعا ءىس-ساپارى كەزىندە راشيدا يۋكسەل حانىم سول توپتا جۇرەدى. ءامينا ەردوعان باستاعان انالار توبىنىڭ قۇرمەتتى مۇشەسى. انادولى ەلىنىڭ بارلىق وبلىستارىن ارالاپ، حالىقپەن ءجيى كەزدەسەدى. اسىرەسە، انا مەن بالا ماسەلەلەرىنىڭ شەشىلۋىنە يگى ىقپال ەتەدى.

جولداسى فەتحي احمەت يۋكسەل ىستانبۇل ۋنيۆەرسيتەتىنىڭ پروفەسسورى، عىلىم دوكتورى. مىنە بۇگىن زەيتۇنبۇرىندا تۇراتىن باۋىرلاس حالىقتاردىڭ كىشى قۇرىلتاي ەسەبىندەگى باسقوسۋمىز اللانىڭ ۇلكەن سىيى. ءبىزدىڭ ءتۇبىمىز ءبىر تۇرىكپىز. ءتىلىمىز، ءدىلىمىز، ءدىنىمىز ءبىر. ادەت-عۇرىپ، سالت-ءداستۇرمىز ورتاق. تۇركيا مەملەكەتىن قۇرۋشى مۇستافا كەمال اتا تۇرىكتىڭ وسىدان 100 جىل بۇرىن: «تۇرىكتىڭ – تۇرىكتەن باسقا دوسى جوق»، - دەگەن ءسوزى، «كىم باقىتتى - تۇركى دۇنيەسى باقىتتى» - دەگەن ۇلاعاتتى سوزدەرى ءوزىنىڭ ومىرشەڭدىگىن كورسەتىپ وتىر.

سۋرەت اۆتوردىڭ جەكە مۇراعاتىنان الىندى

تۇركى مەملەكەتتەرى ۇيىمى تۇراقتى جۇمىس ىستەۋدە. باس حاتشى قۋانىشبەك ومىراليەۆتىڭ سالەمىن قابىل الىڭىزدار. ەكىنشىدەن، تۇركيادا قازىر سايلاۋ ناۋقانى قارقىن الدى. زەيتۇنبۇرىن اۋدان اكىمىنە اۋداندىق ماسليحاتقا مۇشە بولۋعا قازاق، تۇركىمەن، ۇيعىر، وزبەك ۇلتىنىڭ وكىلدەرى نيەت ەتۋدە. ارامىزدا اكىم ءومىر ارىسوي، ابدىكارىم تۇردى، قادىر يسلام، قۇرشيدا ارتىش، قازاق قىزى سۋنا ۇشار، باعىجىلار اۋدانىنا كەشە عانا KATIAD باسشىسى بولعان قازاق جىگىتى سۇلەيمەن توپىراق بار. ۇمىتكەرلەرگە ساتتىلىك تىلەيمىن. تۇركى حالىقتارىنىڭ بىرلىگى جاساسىن.

ەرجان ءۋايىس اۋدان اكىمى ءومىر ارسويعا، پارتيا بەلسەندىسى راشيدا زەينەش قىزىنا القىزىل گۇل شوقتارىن ۇسىندى. جيىندا ىستانبۇلداعى قازاق پروفەسسورى ابدۋلۋاھاپ قارا، «ياسساۋي» قورىنىڭ توراعاسى ءارىپ اۋجى، مانيسا وبلىسى «ساليحلى» قازاق قاۋىمداستىعىنىڭ توراعاسى التاي قاراقول، بەرليندەگى قازاق قاۋىمداستىعىنىڭ باسشىسى، كاسىپكەر بەشرەتحان مالاباقان، ەۋرازيا فەدەرەتسياسى باسشىسى يسمايىل شىڭعىس، «قىرعىز تۇركىلەرى» قوعام باسشىسى ابدۋلمەتين كەسكىن، اۋعان قازاقتارى «قوڭىرات» قوعامدىق قورىنىڭ باسشىسى نەماتۋللا، وزبەك، تۇركىمەن، سيريا، يراق تۇرىكتەرى قوعامدارىنىڭ جەتكەشىلەرى قۇتتىقتاۋ ءسوز سويلەپ، ءوز ويلارىن ورتاعا سالدى.

سۋرەت اۆتوردىڭ جەكە مۇراعاتىنان الىنعان

زەيتۇنبۇرىن اۋدان اكىمى ءومىر ارسوي جانە اۋدان ءماسليحاتى مۇشەلىگىنە ۇمىتكەرلەر جىلى قابىلداۋ، جاقسى تىلەكتەر ءۇشىن العىس سەزىمدەرىن ءبىلدىردى. سايلاۋدا بىرگە بولۋعا شاقىردى. كىشى قۇرىلتاي كەشىندە المانيادا كولىن قالاسىندا قازاق قوعامىن قۇرۋشى، قۇرمەتتى توراعا 90 جاستاعى ابدۋراحمان چەتين اق باتاسىن بەردى. باتاگوي ابىز قاريا قازىر «قازاق كەنت» قالاشىعىندا تۇرادى.

تۇركى دۇيەسىنىڭ كوك بايراعى ماڭگى جەلبىرەي بەرسىن!

ەرجان ءۋايىس

قازاقستاننىڭ ەڭبەك سىڭىرگەن قايراتكەرى

Abai.kz